Dhaniyeli 5:2 - Bhiblia Yo Sawuleka

² Ngako Bhelxazari a di khatile kusela vhinya, a to rumela taku kutiswa siya sa nzalama ni silivhela, sile tate wakwe Nebhukodhonosori, a nga ti si thavisile dithepeleni ka Jerusalema, kasi ku mfumeli ni vahombe vakwe, ni vasikati vawe, ni sigango sawe, ve sela ngu sona vhinya.

Dhaniyeli 5:2 Referans Kwoze

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

2 Vafumeli 24:13

A to thavisa totshe tithomba ta Nyumbani ka Mkoma ni ta nyumbani ka mfumeli; a to fayetela sotshe siya sa nzalama si nga ti ti mahilwe ngu Solomoni mfumeli wa Israyeli, dithepeleni ka Mkoma, madingano ni tile a nga ti wombile Mkoma.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

2 Vafumeli 25:15

Mthangeli wa yimbi a to teka so ñola ngu sona makala a mndilo, ni mikamba, ni sotshe sile i nga ti ti sa nzalama yo surutetwa ni sa silivhela.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Dhaniyeli 5:13

Sekoko Dhaniyeli a to yiswa masoni ka mfumeli. Mfumeli a to womba, atxi khene ka Dhaniyeli: Ngawe Dhaniyeli, wule wa tikhumbi ta ka Judha, atile mfumeli, tate wangu, a nga wuya na to ngu Judha kani?

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Jeremiya 52:19

Se mthangeli wa vawoneleli a to teka magombe ni so hisela ka sona dibaselo, ni mikamba, ni siya so sengeleta ka sona dikhuma, ni titshava ta malambu, ni so nungelisa, ni tifuko, asile sa nzalama yo surutetwa ni sa silivhela yo hehuka.

Jeremiya 27:7

Otshe matiko ma na mthumela, ene ni mwanana wakwe ni mtukulu wakwe, kala ku txi hoka mbimo ya ditiko dakwe, ngu msana keto nene a na khoziswa, ngu matiko amangi ni vafumeli va hombe.

2 Makronika 36:18

Se siya sotshe sa Nyumbani ka Mkoma, sa hombe ni sa sidotho, ni thomba ya Nyumbani ka Mkoma, ni thomba ya mfumeli ni ya vathangeli vakwe, sotshe a to teka e tsula naso Bhabhilona.

2 Makronika 36:10

Msana ka kuva ku di pindile dilembe, Nebhukodhonosori a to rumela vathu vo ya mu teka ve mu yisa Bhabhilona, ve teka ni siya sa lisima sa Nyumbani ka Mkoma ve tsula naso. Se a to veka mwanawe Zedhekiya, a txi fuma txitimwi ka va ka Judha ni Jerusalema.

2 Makronika 15:16

Ahawa ko hambi mwamwakwe Mahaka, a to mthavisa kuva asi mahi mfumeli wa txisikati, nguko a di mahete Aseri, txithombe txo nyenyeza ngutu; Asa nene a thavisile txithombe txakwe, eya txi hisa hafuhi ni txinambwana txa Kedroni.

2 Makronika 11:20

Msana keto, Robhowamu a to teka Mahaka, mwana Abhisalome; se Mahaka a to veleka: Abhiya, ni Atayi, ni Ziza, ni Selomite.

2 Samuwele 9:7

Se Dhavhidha a to khene kwakwe: U nga thave, nguko ni lava ku ku mahela wuxinji ngu mhaka ya kuranda Jonatani, tate wako. Kambe ni na kutshumetela otshe mapulo a tate wako Sawule, awe u na dyela mezani kwangu masiku otshe.

Mitengo 7:79

Mningelo wakwe ngu wuwa: Mbiya ya silivhela, ayi kunemela ka yona i ku ka 130 wa maxekele, ni mkamba wa silivhela, wa mtxhanu wa magumi ni magumi mambidi a maxekele, madingano ni wukhalo wo sawuleka; sotshe sa simbidi, si di tate ngu mpupu wo tshura, wo kanyangelwa ni mtona, wa mningelo wa sakudya;

Ezra 5:14

Hambi siya sa nzalama ni sa silivhela sa Nyumbani ka Txizimu, Nabhukodhonozori a nga teka ka dithepele di di nga ti tiho Jerusalema, e si wuleta ka dithepele da Bhabhilona, mfumeli Siro asi thavisile dithepeleni ka Bhabhilona, si ningelwa ka wamwamna wule ditina dakwe i ku Sesbhazari, e m'veka kuva mfumeli.

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Dhaniyeli 5:3

Sekoko va to tisa siya sa nzalama, asile si nga ti tekilwe ka dithepele da Nyumba ya Txizimu, yi yi nga ti ti Jerusalema, se mfumeli ni vahombe vakwe, ni vavasikati vawe ni sigango sawe, va to sela ngu sona vhinya.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.