Dhaniyeli 5:11 - Bhiblia Yo Sawuleka

¹¹ Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Dhaniyeli 5:11 Referans Kwoze

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

Mtuletelo 3:9

Ni na kuningela vokari va disinagoga da Sathani, va ti wombako ku majudha, na i si nga ona, nguko va womba makuhu; ni na maha ti to ve ta ku khizamela minengeni kwako, kasiku ve tiziva ti to na kuranda.

Mithumo 12:22

Se vathu ve kwangula, va txi kha vona: “Dipswi diya nda Txizimu, hi nga da m'thu!”

Dhaniyeli 2:11

Nguko a ti mfumeli a ti lavako ta karata, kambe kha ngaho ni wammweyo a sikotako kuwomba ka mfumeli, hahanze ka sizimu sile si si zumbiko hagari ka vathu.

2 Samuwele 14:17

Txi ti ti kha txona kambe txithumi txako txa txisikati: Konkuwa dipswi da mfumeli, nyamne wangu, di na ni ninge kudikha; nguko nene mfumeli, nyamne wangu, a fana ni Ngelozi ya Txizimu, kuengisa ta ti nene ni to biha; aniko Mkoma, Txizimu txako, txi nave ni nawe.

Mithumo 16:16

Ka dimwani ditshiku, ngako hi txi ya kukhongelani, hi to manana ni muhorana wa khumbi, awu a nga ti ni moya wa kuhuta. A ti ninga dibhindu da hombe vanyamne vakwe ngu mhaka ya kona kuhuta.

Mithumo 14:11

Dibutho da vathu, ngako va di woni ti ti nga mahwa ngu Paulo, va to huwelela ngu lidimi la Txilikawoniya, va txi kha vona: “Sizimu si tekile tikhohe ta vathu, si txhikela kwathu!”

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Ezekhiyele 28:3

Wona taku u txharihile kupinda Dhaniyele: Kha ku na txihunja ni txa tximwetxo txo timeleka kwako.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Ezekhiyele 28:4

Mtamo wako u wu mani ngu wutxhari wako ni mapimo ako, kambe u mani nzalama ni silivhela txisangalani kwako.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.