Dhaniyeli 5:1 - Bhiblia Yo Sawuleka

¹ Mfumeli Bhelxazari a to maha m'buso wa hombe, e ramba 1.000 wa vahombe vakwe, e sela vhinya masoni kwawe.

Dhaniyeli 5:1 Referans Kwoze

Esteri 1:3

ka dilembe da wuraru da kufuma kwakwe, a to ramba votshe vathangeli vakwe ni sithumi sakwe (mitamu a Persiya ni Medhiyani, ni vathangeli va hombe va matiko a hombe, va ti ti ho masoni kwakwe),

Isaya 22:14

Aniko Mkoma wa Mabutho a Tiyimbi, a wombile tinzeveni kwangu a txi khene: Ngu ditshuri, wubihi wuwa kha wu na mbi thaviswa, an'ze kuza mifa, kuwomba Mkoma, Txizimu txa Mabutho a Tiyimbi.

Isaya 22:12

Se Mkoma, Mkoma wa Mabutho a Tiyimbi, a na mi dhana ka ditshiku dile, kuya dila, ni kuya peka huwa, ni ku kuyula misungo, ni ka muambalisi wa masaka.

Nahume 1:10

Nguko, hambi i di ku vo tshunganela ku nga mipa, va txi kolwa ngu vhinya ku nga madevi, va na hetwa votshe kufana ni mwasi wa kuoma.

Jeremiya 51:57

Ni na levisa tinduna takwe ni titxhari takwe, ni vathangeli va tiyimbi, ni vafumeli vakwe, ni tindena takwe; va na mana wukohe wo mbi guma, kha va na mbi wuka, kuwomba Mkoma, awu ditina dakwe i ku Mkoma wa Mabutho a Tiyimbi.

Jeremiya 51:39

Aha va no vhutuka ni na va ninga wusuke wawe, ni na va levisa, va na ndaka-ndaka, aniko va na otela wukohe wa kwa mbi gwita, kha va na mbi wuka, kuwomba Mkoma.

Genesisi 40:20

Kha ditshuri, ka ditshiku da wuraru, i nga ti ditshiku da kutshanganisa malembe a kuvelekwa ka Faro, ene a to maha m'buso wo mahela vathangeli vakwe votshe, kumweko ni vathangeli va vatheleli vakwe va so sela, ni mthangeli wa vabhiki va mapawu akwe, hagari ka vathangeli vakwe votshe.

Jeremiya 50:35

Di nata ditxhari txitimwi ka Vakaldheya, kuwomba Mkoma, ni txitimwi ka Bhabhilona, ni txitimwi ka vathangeli vawe, ni txitimwi ka titxhari tawe.

Dhaniyeli 5:30

Ka wona wusiku wule, Bhelxazari, mfumeli wa Vakaldheya a to dawa.