Dhaniyeli 4:8 - Bhiblia Yo Sawuleka

⁸ Aniko ngu magwito Dhaniyeli, awule ditina dakwe i Bheltexezari, a to ta masoni kwangu, i ku ditina da txizimu txangu, awule moya wa sizimu so sawuleka wu ku txitimwi kwakwe; se ani ni to xawutela mloro masoni kwakwe.

Dhaniyeli 4:8 Referans Kwoze

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Dhaniyeli 5:14

Ni khala kupfa va txi womba ngu ngawe, ti taku moya wa sizimu wuho kwako, ni ti taku liwoningo ni mapimo, ni wutxhari wa hombe ngutu si maneka kwako.

Dhaniyeli 4:18

Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Dhaniyeli 4:9

Awe Bheltexezari, mthangeli wa titxhari, na tiziva ti taku moya wa sizimu so sawuleka wu kwako, aniko kha ku na txihunja txo karata kwako; ningela siwoniso sa mloro wule ni nga lora ni txhamuselo ya kona.

Dhaniyeli 2:11

Nguko a ti mfumeli a ti lavako ta karata, kambe kha ngaho ni wammweyo a sikotako kuwomba ka mfumeli, hahanze ka sizimu sile si si zumbiko hagari ka vathu.

Jeremiya 50:2

Zivisani hagari ka matiko; pfalisani, mi txi gwimba m'jeke, pfalisani mi nga feketeleni; wombani mi txi khanu: Ku tekilwe Bhabhilona, a phazamisilwe Bheli, a gumutwe Merodhaki, si wisilwe tingana sifananiso sawe, sizimu sawe si wisilwe.

Isaya 63:11

Hambi keto, a to alakanya masiku a kale ngutu, a Mosi ni a vathu vakwe, va nga kha vona: Ahayi wule a nga va humisa lineneni, kumweko ni vadyisi va mtxhambi kani? Ahayi wule a nga thela Moya wakwe wo Sawuleka hagari kwawe,

Isaya 46:1

Bheli a wisilwe, Nebho a namile, sithombe sawe si vekwa txitimwi ka sihari, txitimwi ka sihari sa hombe; mirwalo ya tithundu tanu, ya karalisa sihari sa hombe so karala.

Genesisi 41:38

Se Faro a to khene ka sithumi sakwe: “Ina hi nga mmana mmwani m'thu wo nga wuwa, awu moya wa Txizimu wu ku kwakwe kani?”

Dhaniyeli 2:26

Mfumeli a to wotisa Dhaniyeli (awule ditina dakwe i nga ti ti Bheltexazari) a txi khene: “Ina awe u nga sikota ku ni zivisa mloro wangu, ni txhamuselo ya wona kani?”

Dhaniyeli 3:14

Nebhukodhonosori a to va wotisa, a txi khene: Ni geleni awe Xadreke, ni Mixake, ni Abhedhi-Nego, i na mo maha khakwenye kulamba kuthumela sizimu sangu, ni kukhozela txithombe txa nzalama, txile ni nga txi emisa, kani?

Ezekhiyele 17:23

Ka mmango wo guleka wa ka Israyeli, ni na ya phaya mkedhari, wu na humisa midhari, ni kuveleka mihando, wu na va mkedhari wa wunene; sotshe sinyana si na zumba hahatshi ka mtsudi wa madhavi a kona.