Dhaniyeli 4:37 - Bhiblia Yo Sawuleka

³⁷ Se konkuwa koko, ani Nebhukodhonosori, na bonga, na guleta ni kudhumisa Mfumeli wa nzumani; nguko mithumo yakwe yotshe di ditshuri, ni tinzila takwe do lulama, kambe wa sikota kuveka hahatshi a vale va tikulisako.

Dhaniyeli 4:37 Referans Kwoze

1 Samuwele 2:3

Mi nga andiseni mapswi o tikulisa, ni mapswi o ti guleta ma nga hume sisofuni kwanu; nguko Mkoma, Njizimu txa wutxhari, ene wa veka mithumo yathu ha txikaloni.

Dhewuteronome 32:4

Txizimu Dirigwi, ni mthumo wa txona mbwo hetiseka. Nguko totshe tinzila ta Txizimu ti lulamile. Njizimu txa ditshuri, atxi txi ku si nga ni wubihi. Txi na ni wunene, txi lulamile.

Ezekhiyele 16:63

ekasi ku u na alakanya, u txi wa tingana, khu na mbiswa kambe u tula txisofu txako, ngu mhaka ya tingana tako, mbimo yile hi no divalelana ni nawe, ka totshe tile u nga ti maha, kuwomba Mkoma.

Masalmo 119:75

Mkoma, ani na tiziva ti to mithetho yako nja yinene khu hoxisi, ngako u txi ni tsayisa.

Eksodha 18:11

Se konkuwa na tiziva ati to Mkoma mbwa hombe kupinda sotshe sizimu, nguko a mahile ti to kotshe kubiha ku txi wa txitimwi kwawe.”

Mithumo 17:24

Txizimu txi txi nga va nga mafu ni sotshe si si ku ka ona, i ku txona Mkoma wa nzuma ni mafu; kha txi zumbi mathepeleni ka kuakwa ngu manza a vathu;

Mtuletelo 15:3

na va txi embelela lindando la Mosi, txithumi txa Txizimu, ni lindando la Txinvutana, va txi kha vona: “Mithumo yako nja hombe, kambe ya xamalisa, awe Mkoma Txizimu txa mtamo wotshe, tinzila tako ndo lulama ni ta ditshuri, awe mfumeli wa otshe matiko.

Matewu 11:25

Ka yoneyo mbimo, Jesu a txi khene: “Na ku bonga, awe Tata, Mkoma wa nzuma ni mafu, nguko u sisile timhaka tiya ka vazivi ni ka titxhari u txi ti wonekisa ka vavadotho.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Isaya 5:16

Aniko Mkoma wa Mabutho a Tiyimbi a na guletwa ngu kululama, se Txizimu txo Sawuleka, txi na sawulekiswa ngu wululamo.

Masalmo 99:4

Awe u mfumeli wa mtamo, u randa kululama, ngawe u nga tsanisa asi i ku sa fanelo; u lamula ngu fanelo ni kululama vanana va Jakobe.

Mtuletelo 16:7

Se ni to engisa yimwani ngelozi yi txi kha yona: “Ina, Mkoma, Txizimu txa mtamo wotshe. Kulamula kwako ku tate ngu ditshuri ni kululama.”

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Dhaniyeli 4:3

Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.

Ezekhiyele 16:56

Hambi mwananu Sodhoma, kha khumbukwa ngu txisofu txako, ka ditshiku da kutiguleta kwako,

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

Isaya 23:9

Mkoma wa Mabutho a Tiyimbi, ngene a nga lulamisa txikungo txiya, kasi kuonha ku tikulisa ka sotshe siphatiphati, ni kuveka hahatshi vale vo dhundeka ngutu va ha mafuni.

Jeremiya 50:29

Bhabhilona mu rambeleni vamatiko votshe va va dombako malaho; vekani mazumbo anu madhawani kwakwe, ku nga huluke ni wammweyo; a na tshumetelwe madingano ni mthumo wakwe, nga tona tile a nga maha, mmaheleni toneto, nguko a wukete Mkoma ngu ku ti gwilikisa, a wukete wo Sawuleka wa Israyeli.

Dhaniyeli 4:26

Se ngu ka tile ti nga wombwa, taku leka txitsha ni mitwi ya txona, mfumo wako wu na tshumelela kwako, msana ka kuva u di ti zivile taku nzuma ya fuma.

Eksodha 8:4

“Makhele ma na maneka txitimwi kwako, txitimwi ka vathu vako ni txitimwi ka mahalamu ako otshe.”

Esteri 6:10

Sekoko mfumeli a to khene ka Hamani: Kuluveta u teka syambalo ni dihantxhi, madigano ni kuwomba kwako, u maha toneto ka Mordhekayi, Mujudha wule a nga khalahatsha ha txikeni ka mfumeli; u nga leke ni tatimweto ti wa ka totshe tile u nga womba.