Dhaniyeli 4:35 - Bhiblia Yo Sawuleka

³⁵ Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?

Dhaniyeli 4:35 Referans Kwoze

Masalmo 135:6

Totshe ti Mkoma a ti lavako ene wa ti maha, ha mafuni ni nzumani, lineneni ni ka otshe makhalo a kueta.

Jobe 42:2

Ani kha ni tizivi kha kwati taku awe wa ti kota totshe, ni maalakanyo mamwewo ako kha ma na kutsimbwa.

Masalmo 115:3

Aniko Txizimu txathu txi nzumani; txa maha totshe ti txi ti lavako.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Isaya 43:13

Na ku si se vaho ditshiku, ani ngani; kambe kha ngaho wu a sikotako kuhuluka manzani kwangu; Ngako ni txi thuma, i mani a no ni tsimba kani?

Mithumo 4:28

Ngu konaho vona va mahile totshe ti u nga ti emisa ngu kale ngu diwoko dako ni kuranda kwako, ti to ti na maheka.

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

1 Vakorinto 2:16

Nguko i mani a nga zivako mialakanyo ya Txizimu, kasiku e txi gondisa kani? Aniko athu hi ni mialakanyo ya Kristu.

Jobe 40:2

Ina mwendo kulwa ni wu wa Mtamo-wotshe ngu gondisa kani? Awu a kanetisanako ni Txizimu, a na xamule timhaka tiya.

Jobe 23:13

Se ngako Txizimu txi txi wukela wokari, sekoko i mania waku a nga txi jikisa kani? Ati ti lawako ngu moya wa txona, txi na maha toneto.

Jobe 34:29

Se ngako Txizimu txi txi malala i mani wa ku txi sola kani? Ngako txi txi ti tsiva khohe, i mani waku a nga txi wona, ka vathu votala, hambi ka m'thu mmweyo kani?

Jobe 9:4

Txizimu txi ni wutxhari mbiluni, txona i nyamitamo ngutu; i mani a nga ti bangisa ka txona, e mana kuthutha kani?

1 Samuwele 3:18

Sekoko Samuwele a to m'gela totshe timhaka tile, asi msiseli txilo. Se Eli a to khene: I Mkoma; a na mahe ti i ku ta tinene masoni kwakwe!

Mithumo 5:39

aniko, ngako si txi ta ngu ka Txizimu, kha mi na kusikota ku si fuvisa. Ti woneleni mi si thuki mi manwa mi txi lwa ni Txizimu.” Se vona va to mu engisa.

Mavingu 21:30

Kha ku nga ni wutxhari, hambi kupfisisa, ni sileleto, kasi kuwukela Mkoma.

Mithumo 9:5

Se ene a to khene: “Ngawe mani, Mkoma kani?” Mkoma a txi khene: “Ngani Jesu, ngani wu awe u mu xanisako.

Isaya 26:9

Ngu muhefemulo wangu ni ku lavile ni wusiku, se ngu moya wangu wu ku mndani kwangu, ni na phindula ni kulava, nguko, ku di ni wululami wako ha mafuni, vaaki va ha mafuni va gonda wululamo.

Mithumo 11:17

Sekoko, ngako Txizimu txi nga va ninga txihiwa txo fana ni txathu, athu hi nga kholwa ka Jesu Kristu, ni mani ani wo ni nga sikota kulambela Txizimu kani?”

Masalmo 49:1

Engisani mhaka yiya, anu vathu va ha mafuni; yi engiseni anu mi nga aka ha ditikoni,

Masalmo 33:14

Mkoma wa va wona votshe vathu va hanyako ha mafuni.

Masalmo 39:5

U ni ningile kuhanya masiku amadotho ngutu; masiku a kuhanya kwangu hi nga txilo masoni kwako. M'thu, hambi a txi tipfa a di tsani i mbukanganyisi wo gwita!

Ekleziyaste 8:4

Nguko dipswi da mfumeli di ni mtamo; se i mani wu a no khene kwakwe: U maha txani kani?

Isaya 19:17

Se ditiko da ka Judha di na va txixamaliso ka Egipta; ni wihi wule ti no ziviswa kwakwe tiya, a na dhudhumela, ngu mhaka ya makungo a Mkoma wa Mabutho a Tiyimbi, ngu ti a nga tsanisa to va wukela.

Dhaniyeli 6:27

Txizimu txa hanyisa ni kuhulukisa, txa maha sikombiso ni si xamaliso nzumani ni ha mafuni; Ngu txona txi nga hulukisa Dhaniyeli ka mtamo wa tingonyamo.

Jona 1:14

Sekoko va to dila ka Mkoma va txi kha vona: Yowe! Mkoma! Athu ha kukhongotela! Hi nga love ngu mhaka ya wutomi wa wamwamna wuwa, ni ku u nga thele txitimwi kwathu mnoha wa kwa mbi na mnandu; nguko awe Mkoma u mahile ti u nga ti lavisa tona.

Joxuwa 2:2

Sekoko ku to rumelwa dipswi ka mfumeli wa Jeriko, daku kha vona: “Wona taku wusiku wuwa, ahawa ku bwakile vavamna vokari va ka Israyeli, ku ta xola ditiko.”