Dhaniyeli 4:27 - Bhiblia Yo Sawuleka

²⁷ Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Dhaniyeli 4:27 Referans Kwoze

Jona 3:9

I mani a ti zivako taku mwendo Txizimu txi nga tshumela txi tilaya, se txi hambana ni txiviti txa kuhenya ka txona, kasiku hi si lovi kani?

Mithumo 8:22

Ngu konaho, hunduluka kubihani kwako, u txi khongela ka Mkoma, mwendo u nga divalelwa kualakanya kuwa ka mbilu yako;

Luka 11:41

Aniko ningani ka sikulungu asi mi ku naso, ngu kona silo sotshe si no va si di basile kwanu.”

Vaefesu 4:28

Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.

Vagalatiya 5:13

Vanathu, anu mi dhanetwe ku ta hanya kutxhatxhekani. Ti di mahile eto, kukhululeka kwanu ku nga mi lundumise, mi txi fumwa ngu sa ha mafuni, aniko thumelanani ngu lirando.

Mavingu 16:6

Wubihi wu thaviswa ngu wumbilu ni ditshuri; kuthava Mkoma, ka hulukisa vathu kubihani.

1 Pedro 4:8

Ngutu-ngutu, khatalelani kurandana, nguko lirando la fenengeta mtalo wa sionho.

Matewu 3:8

Humisani mihando yi yi dinganako kuhunduluka kwanu;

Ezekhiyele 18:7

asi xuphi ni m'thu mmweyo, a tshumetako ka nyamne asile a nga vekisa ngu sona, asi piko, a ningako sakudya ka wule a ku ni nzala, e ambeka wule i ku tximbwiri;

Mavingu 28:13

Awule a sisako sihambunyeto sakwe, kha na mbi dhuka e humelela; aniko awule a ti solako ni ku si leka, a na mana wumbilu.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

Mithumo 26:20

Aniko kukhata ni txhumayete ka va Dhamasku, ni va Jerusalema, ni va dotshe ditiko da Judheya, kala ka vamatiko, ti to ve phinduka ve wuya ka Txizimu, va txi maha mithumo yi yi dinganako kuphinduka kwawe.

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

Vagalatiya 5:22

Kasi mihando ya Moya ngu yiya: Lirando, litsako, kudikha, kutimisela, wunene, kutshambisa, kuthembeka,

Vagalatiya 5:6

Nguko ka Jesu Kristu, wukwera hi nga wa txilo, hambi wukhutu ni wona hi nga txilo, hahanze ka likholo li li ti kombako ngu mithumo ya lirando.

2 Vakorinto 5:11

Ngu konaho, ngako hi zivako kuthisa ka Mkoma, ha khongotela ti to vathu ve kholwa ka Txizimu, txona txa tiziva kha kwati ati hi nga zumbisa tona, kambe na kholwa ti to ha zivaneka kha kwati ni kona livhaloni kwanu.

Mithumo 24:25

Kota ngako a nga txi womba ngu ta kululama ni ta kutiñola, ni ta kulamulwa ku kutako, Felikisi a to dhuka, se a txi khene: “Tsula; ni na kudhana ngu yimwani mbimo.”

Joyeli 2:14

I mani a ti zivako taku Txizimu mwendo txi nga tshumela txi tilaya, ngu msana e mi ninga makatekwa, mi maha miningelo ya sakudya ni sa kusela, ka Mkoma, Txizimu txanu kani?

Dhewuteronome 24:13

Kuswani ka ditambo, u fanete ku mtshumetela tximaha txile a nga zima mseve ngu txona, kasi ku e otela a di ni tinguwo takwe, se a na kukatekisa. Se u na va u di lulamile masoni ka Mkoma, Txizimu txanu.

Jeremiya 29:7

Lavani kuthutha ka didhoropa di mi no yiswa ka dona; mi txi di khongelela ka Mkoma, nguko kuthutha ka dona, mi na va ni kuthutha.

Jeremiya 38:20

Jeremiya a to khene: Kha va na mbi kuningela; hi nga engisa dipswi da Mkoma, adi ni ku gelako dona; u na zumbiseka u hanya.

Genesisi 11:4

Va to kha vona: “A hi ti akeleni didhoropa ni txitezi, atxiya txiroro txa kona txi no hoka nzumani, se ditina dathu di na va ni nduma, kasi ku hi si hangalaswi ka otshe mafu.”

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

Dhewuteronome 32:27

Aniko ni thavile kurukwa ngu valala vawe, nguko va na ti kulisa, va txi kha vona: “Manza athu ngu ona ma nga humelela, hi nga Mkoma a nga maha toshe tiya!”

Mavingu 11:2

Ku txi ta kutikulisa, ti nata ni tona tingana; aniko avale vo ti veka hahatshi, va ni wutxhari.

Isaya 10:13

Nguko a khene: Ni mahile eto ngu mtamo wa dianza dangu, ni wutxhari wangu, nguko ni txharihile; Ani ni thavisile mihingano ya vathu, ni handa tithomba tawe, kufana ni ndena, ni wisile vale va nga ti situluni ka wukoma.

Isaya 47:8

Konkuwa koko, engisa tiya, awe u tsakelako kutiphina, u tipfako u di zumbisekile, u wombako mbiluni kwako, u txi khawe: Ani ngani, hahanze kwangu, kuwalo mmwani; kha ni na mbi va noni, hambi kufelwa ngu vanana.

Isaya 47:10

Nguko u thembile wubihi wako, se u txi khawe: Kha ni wonwi ngu m'thu; wutxhari wako ni wuzivi wako, eso si ku hambukisile, se u ti khawe mbiluni kwako: “Ani ngani, hahanze kwangu, kuwalo mmwani.”

Ezekhiyele 29:3

Womba u txi khawe: Mkoma a khene: Wona taku na kuwukela awe Faro, mfumeli wa Egipta, mwamilambo wa hombe, u khandamako hagari ka minambo yako, kambe u khawe: Mnambo wangu mbwangu, ngani ni nga ti mahela wona.

Ezekhiyele 29:9

Se ditiko da Egipta di na maha dirumbi ni txiwula; kambe va na tiziva taku ani ngani Mkoma. Nguko u ti khawe: Mnambo mbwangu, ngani ni nga wu maha,

Amosi 6:13

Anu mi ti tsakiswako ngu ta walo, anu mi ku khanu: Ina athu kha ha ti maha tindena ngu mtamo wathu kani?

Habhakuki 1:11

Sekoko, va na pinda kufana ni moya, ve kanda, se va txi ti ninga m'nandu, va txi kha vona mtamo wa txizimu txawe.

Zefaniya 2:15

Adiya ngu dona didhoropa do tsakisa, di nga ti ti zumba ngu kwa mbi ti wonela, di nga ti ti womba mbiluni ka dona: Ani ngani, kambe kha ku na dimwani hahanze kwangu; eto di nga mahisa tona marumbi, ni ku va nyumba ya sihari! Ni wuhi wu a no pinda ngu ka dona a na veta mloti, se e zinginisa dianza dakwe.