Dhaniyeli 4:25 - Bhiblia Yo Sawuleka

²⁵ U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 4:25 Referans Kwoze

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Jeremiya 27:5

Ngani ni nga va nga ditiko, ni vathu, ni sihari si si kuho ha mafuni, ngu mtamo wangu wa hombe ni diwoko dangu di nga nawuluka, na si ninga ka wu ni randako ku mninga.

Masalmo 83:18

Kasiku va na tiziva awu di lumbako kwakwe ditina daku Mkoma, U Nyatxitimwi ka otshe mafuni!

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

Masalmo 106:20

va to leka Txizimu, txi i ku wudhumo wawe, ve khozela txithombe txa txihari txi txi dyako mwasi.

Masalmo 75:7

Nguko Txizimu ngu txona i ku mlamuli: Vamwani txa va abanisa, aniko vamwani txa va txhatxha.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhaniyeli 4:2

Ni to wona ti to ndinene kwangu ku ni mi komba sikombiso ni sidiwukiso si Txizimu, Nyatxitimwi, txi ni mahelako.

Dhaniyeli 4:16

Mbilu ya txona yi na txhitxhwe, kasiku yi si fani kambe ni mbilu ya m'thu, se txi ningwa mbilu ya wuhari; kala kupinda mtxhanu wa timbimo ni timbidi.