Dhaniyeli 4:19 - Bhiblia Yo Sawuleka

¹⁹ Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Dhaniyeli 4:19 Referans Kwoze

Dhaniyeli 8:27

Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.

Dhaniyeli 4:24

Ayiya ngu yona txhamuselo awe mfumeli; kambe awuwa mthetho wa Nyatxitimwi, wu nota txitimwi ka mfumeli, nyamne wangu.

Jeremiya 4:19

Mbiluni kwangu, mbiluni kwangu! Ni ni kupandiseka mbiluni kwangu! Mbilu yangu ya bhibhika-bhibhika, kha ni sikoti kumalala; nguko dihika dangu di pfite txiwungulati txa mpundu, ni tihuwa ta tiyimbi.

1 Samuwele 3:17

Se Eli a to khene: Dipswi muni di a nga kugela kani? Na ku kombela ti to u nga ni sisele; aniko Txizimu txi na mahe eto kwako ni ti timwani to tala, ngako u txi ni sisela mhaka yokari ka totshe timhaka tile txi nga kugela.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Dhaniyeli 7:15

Se ngu kwangu, ani Dhaniyeli, moya wangu wu to xaniseka mndani kwangu, ni siwoniso sangu si to ni xamalisa.

Dhaniyeli 5:12

Ngu kumaha keto ku to maneka ka Dhaniyeli moya wa wunene, wa wuzivi, wa mapimo, wo txhamusela miloro, kutxhamusela masambala, ni kuthavisa kukanakana, keyo mfumeli a nga mninga ditina daku i Bhelxazari; konkuwa koko a na dhanwe Dhaniyeli, se ene a ta ninga txhamusela.

Dhaniyeli 2:26

Mfumeli a to wotisa Dhaniyeli (awule ditina dakwe i nga ti ti Bheltexazari) a txi khene: “Ina awe u nga sikota ku ni zivisa mloro wangu, ni txhamuselo ya wona kani?”

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Jeremiya 29:7

Lavani kuthutha ka didhoropa di mi no yiswa ka dona; mi txi di khongelela ka Mkoma, nguko kuthutha ka dona, mi na va ni kuthutha.

1 Vafumeli 18:7

Na a di ha nzila Obhadhiya, a to manelwa ngu Elija; ngu ku m'ziva, a to nama masoni kwakwe, a txi khene: Ina ngawe nyamne wangu Elija kani?

1 Samuwele 26:15

Sekoko Dhavhidha a to khene ka Abhineri: Ina hi ngawe wamwamna wa ndena kani? Se i mani a kuho Israyeli wo fana ni nawe kani? Ngu kutxani koko, u nga lamba kuwonelela mfumeli, nyamne wako kani? Nguko kutile m'thu wokari ka ta hoxota mfumeli, nyamne wako.

1 Samuwele 24:8

Msana keto, Dhavhidha nene a to huma ngu diphalani, e kwangula ngu msana ka Sawule, a txi khene: Mfumeli, nyamne wangu! Se mbimo yile Sawule a nga tshembereka e wona msana, Dhavhidha a to nama hahatshi e khizama.

1 Samuwele 1:15

Aniko Ana a to xamula, a txi khene: Ahim-him nyamne wangu, ani ni wamsikati wo xaniseka moyani; kha na sela vhinya hambi sopa; kambe no tshakunuta dihika dangu masoni ka Mkoma.

Eksodha 32:32

Konkuwa koko, divalela txionho txawe, kha ditshuri, na kombela ti to u pfhita ditina dangu, amu ka dibhuku di u nga bhala.”

Genesisi 32:18

Sekoko u na khawe: “Nza Jakobe txithumi txako, njiningo txi a rumelako ka Esawu, mkomwangu; nene wata msana kwathu.”

Genesisi 31:35

Rakeli a to womba ka tate wakwe, a txi khene: “U nga pandiseke tata, ngako ni si khukhi ni txi ema masoni kwako, no va ni tshiku ya ti tathu vavasikati.” Labhani a lavisisile kotshe, kambe kha si mana sithombe.

Genesisi 40:12

Sekoko Josefa a to khene kwakwe: “Txhamuselo ya mloro wuwa ngu yiya: Madhavi a mararu ma kombisa masiku mararu;

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.