Dhaniyeli 4:18 - Bhiblia Yo Sawuleka

¹⁸ Eto ni ti woni ngu mloro ani mfumeli Nebhukodhonosori; awe koko, Bheltexazari, ni gele txhamuselo ya kona, nguko totshe titxhari ta ditikoni kwangu ti tandekile ku ni txhamusela, aniko awe wa sikota, nguko moya wa sizimu so sawuleka wuho kwako.

Dhaniyeli 4:18 Referans Kwoze

Dhaniyeli 5:15

Titxhari ni tiñanga ti tisilwe masoni kwangu kasi ku ta gonda mibhalo yiya, ni ku ni gela txhamuselo ya kona; aniko kha va sikota ku ni ninga txhamuselo ya mapswi awa.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Dhaniyeli 5:8

Sekoko titxhari totshe ta mfumeli ti to wulela; aniko kha ta sikota kugonda mibhalo, hambi kugela mfumeli txhamuselo ya kona.

Genesisi 41:15

Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Dhaniyeli 2:7

Va to xamula da wumbidi va txi kha vona: Awe mfumeli, hi gele mloro athu sithumi sako, hi na kugela txhamuselo ya kona.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Genesisi 40:12

Sekoko Josefa a to khene kwakwe: “Txhamuselo ya mloro wuwa ngu yiya: Madhavi a mararu ma kombisa masiku mararu;

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 2:38

Se ni hani ha kuzumbako kona vanana va vathu, sihari sa txitinga ni sinyana sa nzuma, Txizimu txi si ningete manzani kwako, txi kumaha u fuma txitimwi ka sona sotshe; awe u msungo wa silivhela.