Dhaniyeli 4:17 - Bhiblia Yo Sawuleka

¹⁷ Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Dhaniyeli 4:17 Referans Kwoze

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Dhaniyeli 2:21

Ngu txona txi hundulusako timbimo ni sikhati; txa thavisa ni kuveka vafumeli ha situluni kwawe; ngu txona txi ningako wuzivi ka sizivi ni wutxhari ka titxhari.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

1 Vakorinto 1:28

Asile i ku so dheleleka ni sile i ku sa ku ambi nyawula ha ditikoni, Txizimu txi si sawute, kasiku asile i ku sa hombe si xulwa ngu sile i ku sa sidotho,

Dhaniyeli 11:21

Msana keto, ku na emiswa ka wukhalo wakwe wamwamna wo soleka, wa kuva a nga mbi ningwa madingano a wukoma; se a na humelela a di malate, e ta teka mfumo ngu wurindi.

Eksodha 9:16

se ngu mhaka ya toneto, ni ku lekile ni txi ku emisa kasi ku ni txi kukomba mtamo wangu, ni ti to ditina dangu di txi huwelelwa ha ditikoni kotshe.

Ezekhiyele 25:17

Se ni na phota ngutu kwawe, ngu sitsayiso sa txiviti, kambe va na tiziva taku ani ngani Mkoma, mbimo yi ni no va ni di photile txitimwi kwawe.

Ezekhiyele 7:24

Se ni na tisa vathu va tshofu ngutu ngu ka mamwani matiko, va nata honyola tinyumba tawe; kambe ni na heta kutiguleta ka vale va mtamo, ni makhalo awe o sawuleka ma na nyenyeziswa.

Isaya 6:3

Se ma txi kwangula dimwedo ka dimwani, ma txi kha ona: Msawuleki, Msawuleki, Msawuleki ngene Mkoma wa Mabutho a Tiyimbi; Otshe mafu ma tate ngu wudhumo wakwe.

Masalmo 9:16

Mkoma a ti wonekisile, kambe a lamute; nene m'bihi a bzwetilwe ngu mithumo yakwe yo biha.

1 Vafumeli 21:25

Kha kuzivi kumaneka ni wammweyo wa ku ti xavisa nga Akabe, eza e maha to biha masoni ka Mkoma, nguko msikati wa kona Jezabheli, ngene a nga mkujetela.

Mtuletelo 4:8

Sivangwa siya sa mune, tximwani ni tximwani txi ti ni mtxhanu wa mabhapi ni dimwedo, na si di tate ngu maso, otshe makhalo, mndani ni hahanze. Se wusiku ni mitshikari, sivangwa sile sa embelela si si malali, si txi kha sona: “Msawuleki, msawuleki, msawuleki! Mkoma Txizimu txa mtamo wotshe. Awule a nga ti ho, Awule a kuho ni wule a tako.”

1 Timoti 5:21

Na kulaya masoni ka Txizimu ni ka Jesu Kristu, kumweko ni ka tingelozi to sawuleka, ti to u veketa sileleto siya, u nga lamule ngu kuwona khohe ya m'thu, u nga mahe txilo ngu kulondisela wuxaka.

Isaya 6:8

Msana keto, ni to pfa dipswi da Mkoma di txi kha dona: Ni na ruma mani, i mani a no hi yela kani? Sekoko ni txi khani: Ngani wuwa, ni rume ani!

Masalmo 12:8

Vabihi va rendelekela ka otshe makhalo, na wubihi wu txi dhumiswa ngu vathu va ha mafuni.

2 Makronika 28:22

Hambi kule a nga ti ti kuxanisekani, mfumeli Akazi a toya masoni e onhela Mkoma.

Varoma 13:1

M'thu ni m'thu a na engise wukoma; nguko kha ku nga ni wukoma wu wu sitiko ngu ka Txizimu. Se vafumeli va va kuho va vekilwe ngu Txizimu.

Masalmo 103:19

Mkoma a vekile txikhalo txakwe txa wukoma tinzumani ene wa fuma txitimwi ka sotshe si si kuho.

Dhaniyeli 4:2

Ni to wona ti to ndinene kwangu ku ni mi komba sikombiso ni sidiwukiso si Txizimu, Nyatxitimwi, txi ni mahelako.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.