Dhaniyeli 4:16 - Bhiblia Yo Sawuleka

¹⁶ Mbilu ya txona yi na txhitxhwe, kasiku yi si fani kambe ni mbilu ya m'thu, se txi ningwa mbilu ya wuhari; kala kupinda mtxhanu wa timbimo ni timbidi.

Dhaniyeli 4:16 Referans Kwoze

Dhaniyeli 4:23

Se atile mfumeli a nga ti wona, muwoneleli, msawuleki, a txi txhika ngu txitimwi nzumani, a txi khene: Gangani mndonga, mi wu lovisa, aniko txitsha ni mitwi ya kona, si na sale mafuni, mi txi sunga ngu txhini ya simbi ni ya suku, amu ka mwasi wa txitinga; kambe si na nakaniswi ngu mwando wa nzumani, si nadya mwasi kufana ni sihari sa txitinga, kala kupinda mtxhanu wa timbimo ni timbidi.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

Isaya 6:10

Bangisa timbilu ta vathu vava, u tsiva tinzeve tawe, vhala maso awe; kasi ku va si woni ngu maso awe, va si engisi ngu tinzeve tawe, va si pimisi ngu timbilu tawe, va nga thuka ve hunduluka, ve mana kuhanyiswa.

Vahebheru 1:11

Sotshe si na lova, kambe awe khu na magwito; sotshe si na sakala kufana ni syambalo.

Dhaniyeli 12:7

Se ni to pfa wamwamna wule a nga ambala syambalo sa linyu, a nga ti ti emile txitimwi ka mati a mnamboni, mbimo yi a nga guleta dianza dakwe da txinene, ni dianza dakwe da txibhabha e komba nzumani, se a to xambanya ngu wule a hanyako ngu ha ku si gwitiko, ti to msana ka mbimo yokari, ka timbimo ni ka hafu ya mbimo, ni mbimo yile va nova va di hetile kuhoxota mtamo wa vathu vo sawuleka, totshe timhaka tiya ti nava ti di humelete.

Dhaniyeli 11:13

Nguko mfumeli wa Wulambwe a na tshumela e sengeleta dibutho da hombe kupinda dile do khata; se msana ka mbimo i ku malembe okari, a nata ngu kukuluveta ni dibutho da hombe da yimbi ni thundu yayingi.

Dhaniyeli 7:25

Se a na womba mapswi o wukela Nyatxitimwi, e hangalasa vasawuleki va Nyatxitimwi, kambe a na phemberusa timbimo ni milayo; vasawuleki va na ningelwa manzani kwakwe ngu mbimo yokari, ni timbimo, ni hafu ya mbimo.

2 Samuwele 18:32

Sekoko mfumeli a to khene ka m'kuxi: Ina mfana wangu Abhisalome wa hanya kani? Se m'kuxi a to khene: Va na fane ni dijaha dile, valala va mfumeli, nyamne wangu, ni votshe vale va nga kuwukela ngu wubihi.

Dhaniyeli 7:28

Txiwoniso txi gwitete hawa, se ngu kwangu ani Dhaniyeli, mapimo angu ma to ni xamalisa ngutu, ni khohe yangu yi to txitxa; aniko ni to veka timhaka keto mbiluni kwangu.