Dhaniyeli 4:13 - Bhiblia Yo Sawuleka

¹³ Ni di ngadi otete ha m'bhedhuni kwangu, ni to wona ngelozi yo sawuleka yi txi txhika ngu nzumani,

Dhaniyeli 4:13 Referans Kwoze

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

Dhaniyeli 8:13

Msana keto, ni to pfa msawuleki wokari a txi womba-womba; se mmwani msawuleki a to khene ka wule a nga ti womba-womba: Txi na simama kala mbimo muni txiwoniso txa mphaxo wa ditshiku ni ditshiku, ni txa sihambunyeto si si onhako, kasiku kuningelwa wukhalo wo sawuleka, ni dibutho, si txi kandetelwa, kani?

Dhaniyeli 7:1

Ka dilembe do khata da Bhelxazari, mfumeli wa Bhabhilona, Dhaniyeli a to lora mloro, e wona ni siwoniso a di otete ha m'bhedhuni kwakwe; se koneko a to bhala mloro, e xawutela misungo ya timhaka ta kona.

Judha 1:14

Enoki, i ku wa wutxhanu ni vambidi kukhukhela ka Adhamu, a profetile ngu vona vava, a txi khene: “Wonani, Mkoma wata kumweko ni mabutho akwe o sawuleka, a mazanazana,

Zakariya 14:5

Se mi na tutuma ngu mkova wa mimango yangu (nguko mkova wa mmango wu na hoka kala Azeli), se mi na tutumisa ku nga tile mi nga tutumisa tona, ngu kuzinginika ka mafu, ka masiku a Uziya, mfumeli wa ka Judha; sekoko a nata Mkoma, Txizimu txangu, ni votshe vasawuleki, awe Mkoma.

Dhaniyeli 4:23

Se atile mfumeli a nga ti wona, muwoneleli, msawuleki, a txi txhika ngu txitimwi nzumani, a txi khene: Gangani mndonga, mi wu lovisa, aniko txitsha ni mitwi ya kona, si na sale mafuni, mi txi sunga ngu txhini ya simbi ni ya suku, amu ka mwasi wa txitinga; kambe si na nakaniswi ngu mwando wa nzumani, si nadya mwasi kufana ni sihari sa txitinga, kala kupinda mtxhanu wa timbimo ni timbidi.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Masalmo 89:7

Txizimu njo dingana kuthaviseka, ngutu msengeletanoni ka vasawuleki; txona nja hombe ni kuguletwa ngutu ngu votshe va txi randelako.

Mtuletelo 14:10

eyo nene a na sela vhinya ya kuhenya ka Txizimu, yo mbi timulwa ayi yi nga thelwa mu ka digombe da kuhenya ka txona; a na xaniswa ngu mndilo ni txivavula, masoni ka tingelozi to sawuleka, ni masoni ka Txinvutana.

Luka 4:34

a txi khene: “Ha! Nji txani u ku natxo ni nathu, awe Jesu wa Nazareta? U tete ku ta hi lovisa, kani? Na kuziva ti to ngawe mani, awe u Msawuleki wa Txizimu.”

Marku 1:24

“Nji txani u ku natxo ni nathu, Jesu wa Nazareta kani? U tela ku ta hi lovisa kani? Ani na kuziva ti to ngawe mani: U Msawuleki wa Txizimu.”

Matewu 25:31

“Mbimo yi a nota Mwanana wa M'thu ni wudhumo wakwe, kumweko ni tingelozi takwe, ene a nata khalahatsha ha txikhaloni kwakwe ka wukoma.

Dhaniyeli 7:23

A to womba ku khene: Txihari txa wumune i mfumo wa wumune wa ha mafuni, wule wu no hambana ni yotshe mifumo; wu na khadamula otshe mafu, wu ganyatela ngu mikondo, ni kuphatulela.

Dhaniyeli 7:17

Sihari siya sa hombe i ku mune, i mune wa vafumeli, va no maneka ha mafuni.

Dhaniyeli 4:10

Siwoniso sile ni nga si wona msungoni kwangu, ni di ha m'bhedhuni ngu siya: Ni to tuvee, ni wona mndonga wo lapha ngutu hagari ka mafu;

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Jobe 12:24

Txa thavisa timbilu ta vathanglei va vathu va ha mafuni, txi va peperukisela siwulani, ko pwata nzila.