Dhaniyeli 3:29 - Bhiblia Yo Sawuleka

²⁹ Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 3:29 Referans Kwoze

Dhaniyeli 2:5

Se mfumeli a to xamula Vakaldheya a txi khene: A ti ninga lora ti mwalate! Kambe, ngako mi txi tandeka ku ni gela mloro ni txhamuselo ya wona, mi na phatulelwa, ni tinyumba tanu ti na mahwa matala.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Dhewuteronome 32:31

Nguko dirigwi dawe kha di fani ni Dirigwi dathu, ni valala vathu ndifakazi ta mhakeyo.

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Masalmo 3:8

Kuhanyisa kuta ngu kwako, Mkoma makatekwa ako ma nave txitimwi ka ngamu yako.

Ezra 6:11

Kambe na leletela ani nipune taku ni wihi wamwamna wule a no phemberusa txileleto txiya, ku na thaviswa phande yimweyo nyumbani kwakwe, yi emiswa, na a ti hayekilwe ka yona, se nyumba yakwe yi na maha ditala.

2 Vafumeli 10:27

Kambe va fayetete txithombe txa Bhahali, ve khundumusela nyumba ya Bhahali, ve aka ngu yona sisambelo kala ka ditshiku da nyamsi.

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Dhaniyeli 1:19

Se mfumeli a to womba-womba navo, hagari kwawe votshe kha kwa maneka vamwani vo fana ni Dhaniyeli, Hananiya, Misayeli ni Azariya; ngu kumaha keto, va to ningwa kuthumela mfumeli.

Dhaniyeli 2:17

Sekoko Dhaniyeli a toya nyumbani kwakwe eya zivisa mhaka ka vangana vakwe Hananiya, ni Misayeli, ni Azariya,

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhaniyeli 2:49

Se Dhaniyeli a to kombela ka mfumeli ku e veka Xadreke, Mixake ni Abhedhi-Nego kuva vathangeli va mabhindu a ditiko da Bhabhilona, aniko Dhaniyeli a to zumba ka sike sa mfumeli.

Dhaniyeli 3:12

Ku ni vavamna vokari va Vajudha, avale u nga va veka ku ve thangela mabhindu a didhoropa da Bhabhilona: Xadreke, Mixake ni Abhedhi-Nego; vavamna vava, awe mfumeli, kha va kuxoniphi, kha va thumeli sizimu sako, hambi txithombe txa nzalama txile u nga txi emisa, kha va txi khozeli.

Dhaniyeli 6:28

Dhaniyeli wuwa, koko, a to humelela ka mbimo ya kufuma ka Dhariyo ni ya kufuma ka Siro, Mupersa.