Dhaniyeli 3:28 - Bhiblia Yo Sawuleka

²⁸ Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Dhaniyeli 3:28 Referans Kwoze

Eksodha 20:5

U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Masalmo 147:11

Mkoma a dhunda avale va m'thavako, avale va thembako lirando lakwe.

Mithumo 5:19

Kambe Ngelozi ya Mkoma yi to tula matimba mkorani ni wusiku, yi va humisa hahanze, yi txi kha yona:

Dhaniyeli 3:25

Mfumeli a to xamula, a txi khene: Ani koko, ni wona mune wa vavamna va di txhatxhilwe, va txi tsimbila-tsimbila mndani ka mndilo, kambe kha ku woneki ni ka kudotho va nga dawiswa; se txiemo txa wa wumune txi fanana ni txa mwanana wa sizimu.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Masalmo 62:8

Votshe va na themba txona Txizimu yotshe mbimo va txi txi dhumisa ngu yotshe mbilu! Txizimu mbuthavelo wathu!

Vafilipiya 1:20

Madingano ni kuxuva ni kuthemba konako, ni pimisa ti to ni na mbi wiswa tingana ni ka kudotho, aniko ngu mhaka ya kotshe kutsana kwangu, konkuwa ni yotshe mbimo, Kristu a na dhumiswa ha mmidi kwangu, mwendo na hanya mwendo na fa.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

2 Makronika 32:21

Sekoko Mkoma a to rumela ngelozi ku ta heta votshe vavamna va mtamo, ni vathangeli ni vathangeli va wugoveloni ka mfumeli wa Asiriya; se Senakeribhe a to tshumela ngu tingana eya ditikoni kwakwe. A di wulete nyumbani ka sizimu sakwe, vathu va nyumba yakwe va to m'daya koneho ngu ditxhari.

2 Makronika 20:20

Se magwanani ka kona, va to wuka ni mixo veya txiwulani ka Tekowa; Mbimo yi va nga ti ti tsula, Josafati a to va ngela ku khene: Ni engiseni anu va ka Judha, ni nanu vazumbi va Jerusalema: Thembani Mkoma Txizimu txanu kasi ku mi na tsana; thembani vaprofeti vakwe mi na xula.

1 Pedro 1:21

Ngu mhaka yakwe, ma kholwa ka Txizimu, atxi i ku txona txi nga mu wusa ka vafi, txi mninga wudhumo, kasi ku likholo lanu ni kuverela kwanu, mi si veka ka Txizimu.

Vahebheru 11:37

Va fayetetwe ngu marigwi, ve sahwa ngu masaho. Va datwe ngu kubhayetelwa ngu matxhari, va pengisilwe va di ambate madhowo a tinvuta ni a tiphongo, ve xaniswa ni kutsotsorolwa, ve khotelwa mikorani.

Vahebheru 1:14

Ina tingelozi totshe hi nga mimoya yi yi thumako mithumo, ayi yi nga rumelwa kuthumela avale va fanelako kuamukela thomba ya kuhanyiswa, kani?

Mithumo 4:19

Kambe Pedro ni Johani va to xamula, va txi kha vona: “Ati ti nga lulama masoni ka Txizimu ngu tihi kani: Kuengisa anu mwendo kuengisa Txizimu kani?

Dhaniyeli 6:26

Ni leleta ti to ka madhawa otshe a mfumo wangu, vathu ve na dhudhumele ni kuthava masoni ka Txizimu txa Dhaniyeli; nguko txona nji Txizimu txi hanyako, txi zumbako kala kupinduka, kambe mfumo wa txona kha wu na khundumuswa; ni kufuma ka txona kha ku na mbi va ni magwito.

Dhaniyeli 4:34

Aniko kugumani ka masiku ale, ani Nebhukodhonosori, ni to gula maso angu ni wona nzumani, se mapimo angu ma to wuya. Koneko ni to bonga Nyatxitimwi, ni dhumisa ni kulisa wule a hanyako ngu yotshe mbimo, nguko kufuma kwakwe ngu fuma ko mbi gwita, ni mfumo wakwe bwa liveleko ni liveleko.

Masalmo 34:22

Mkoma wa tirula wutomi wa vale va mthumelako; avale va mthembako kha va na mbi tsayiswa.

Masalmo 33:21

Mkoma ngene kutsaka ka timbilu tathu; nguko hi themba ditina dakwe do sawuleka.

Masalmo 33:18

Mkoma ngene a xayisako ava va mthavako, avale va thembako wunene wakwe,

Ezra 6:11

Kambe na leletela ani nipune taku ni wihi wamwamna wule a no phemberusa txileleto txiya, ku na thaviswa phande yimweyo nyumbani kwakwe, yi emiswa, na a ti hayekilwe ka yona, se nyumba yakwe yi na maha ditala.

Ezra 1:3

Ni wihi a kuho hagari kwanu, ka votshe vathu vakwe, Txizimu txakwe txi nave ni nene, a na kwelele eya Jerusalema, i ku kona Judha, eya aka Nyumba ya Mkoma, Txizimu txa Israyeli; nguko ene Njizimu txi zumbako Jerusalema.

1 Makronika 5:20

Se va to vhunetelwa ku va lwisa, se va ka Hagari, kumweko ni votshe va va nga ti ti navo, va to ningelwa manzani kwawe; nguko va dite ka Txizimu mbimo yile va nga ti ti lwa, se Txizimu txi va engisa, nguko va ti ni kuthemba ka txona.

Genesisi 9:26

Se Nowa a to womba kambe, a txi khene: “A na dhumiswe Mkoma Txizimu txa Semi, Kanana a na mahe khumbi yakwe.

Masalmo 103:20

Dhumisani Mkoma, anu tingelozi takwe, anu sirumwa sakwe sa mtamo, anu mi londetako sileleto sakwe ni ku mu engisa.

1 Vakorinto 13:3

Hambi ni txi teka yotshe thomba yangu ni txi phakela avale va si pwatako, hambi idiku no ningela mmidi wangu, wu txi hiswa ngu mndilo, kambe ngako ni si nga ni lirando, kha ti ni vhuni txilo.

Isaya 12:2

Wona taku, Txizimu i ku muhanyisi wangu, na txi themba, kambe kha ni na mbi thava txilo, nguko Mkoma Txizimu, ngene mtamo wangu, ni ndando yangu, se a mahile kuhanyisa kwangu.

Isaya 50:10

I mani hagari kwanu a thavako Mkoma, kambe a engisako dipswi da txithumi txakwe kani? Ngako a txi tsimbila txidemani, ko pwata ni kuwonekela, a na thembe ditina da Mkoma, kambe a na tsane ka Txizimu txakwe.

Dhaniyeli 6:16

Sekoko mfumeli a to leleta ti taku kutiswa Dhaniyeli, e rinzwa diphalani ka tingonyamo. Se mfumeli a to womba ka Dhaniyeli, a txi khene: “Txizimu txako, a txi u txi thumelako mbimo yotshe txi na kuhulukisa!”