Dhaniyeli 3:24 - Bhiblia Yo Sawuleka

²⁴ Sekoko mfumeli Nebhukodhonosori a to dhuka e khukha ngu kukuluveta; a txi khene ka vathangeli va yimbi yakwe: Ina athu kha ha rinza vavamna vararu va di sungilwe hagari ka mndilo kani? Va to xamula va txi kha vona ka mfumeli: U womba ditshuri mfumeli.

Dhaniyeli 3:24 Referans Kwoze

Dhaniyeli 6:22

Txizimu txangu txi rumete Ngelozi ya txona yi ta vhala sisofu sa tingonyamo, kasiku ti si ni mahi txilo, nguko ni manekile ni si na mnandu masoni ka Txizimu; hambi masoni kwako, awe mfumeli, kha ni khali kumaha wubihi ni wawumwewo.

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.

Mithumo 26:27

Ina wa kholwa ka Vaprofeti kani, mfumeli Agripa kani? Ani na tiziva ti to wa kholwa.”

Mithumo 26:13

Ni di ha nzila, ngu mbimo ya dhina, mfumeli, ni to wona liwoningo la hombe, la kuta ngu nzumani, lo phatima ngutu kupinda ditambo, ali li nga ni randela kumweko ni va ni nga ti navo.

Mithumo 12:13

Ngako Pedro a txi gogota ditimba da diguma, kutota txithumi txa dihorana, atxi va ku i Rodha, txi ta mu engisa.

Mithumo 9:6

Aniko khukha u txi wulela didhoropani, se u na gelwa ti u fanelako ku ti maha.”

Dhaniyeli 5:18

Awe mfumeli, Txizimu, Nyatxitimwi, txi ningile tate waku, Nebhukodhonosori, mfumo, wuhombe, wudhumo, ni wudhundo wa hombe.

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Dhaniyeli 4:27

Sekoko awe mfumeli, tumela wudhota wangu, u thavisa sionho sako ngu kumaha kululama, ni wubihi wako, ngu ku mahela wumbilu sisiwana, mwendo kukateka kwako ku ngaya masoni.

Dhaniyeli 4:22

Ngawe, awe mfumeli, u nga kula, u txi tsana; wuhombe wako wu kute wuza wu hoka nzumani, ni mfumo wako wu hokile magwito ka mafu.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

1 Samuwele 17:55

Se mbimo yile Sawule a nga wona Dhavhidha a txi tsula kuya tshangana ni Mufilista, a to khene ka Abhineri, mthangeli wa dibutho da yimbi: Abhineri, mwanana wa mani mfana wuwa kani? Se Abhineri a to khene: Wu na hanye muhefemulo wako, awe mfumeli, kha ni m'zivi.

2 Makronika 22:4

A to maha to biha masoni ka Mkoma, kufana ni va nyumba ya ka Akabhi, nguko vona i ti ti madhota akwe msana ka kufa ka tate wakwe, kala a txi lova.

Dhaniyeli 3:23

Se vavamna vava va vararu, Xadreke, ni Mixake, ni Abhedhi-Nego, va to wa va di sungilwe amu ka txikho txa mndilo wo tura ngutu.

Dhaniyeli 3:25

Mfumeli a to xamula, a txi khene: Ani koko, ni wona mune wa vavamna va di txhatxhilwe, va txi tsimbila-tsimbila mndani ka mndilo, kambe kha ku woneki ni ka kudotho va nga dawiswa; se txiemo txa wa wumune txi fanana ni txa mwanana wa sizimu.