Dhaniyeli 3:22 - Bhiblia Yo Sawuleka

²² Se ngako dipswi da mfumeli di nga ti nemete, ni txikho txi ti hisa ngutu, vavamna vale va nga rinza Xadreke, ni Mixake, ni Abhedhi-Nego va to dawa ngu m'dhikila wa mndilo.

Dhaniyeli 3:22 Referans Kwoze

Mavingu 21:18

M'thu wo lulama a tekiswa ngu wo biha, ni wa kululama a na tekiswa ngu muonhi.

Mavingu 11:8

M'thu wo lulama wa txhatxhiswa kuxanisekani kwakwe, se muonhi e sala wukhaloni kwakwe.

Eksodha 12:33

Vaegipta va to kurumeta vathu va ka Israyeli ti to va txi huma ngu kukuluveta mu ditikoni kwawe, na va txi womba va txi kha vona: “Hotshethu hi na fa.”

Mithumo 12:19

Herodha a di rumete ku mu lava, va to mu pwata. Se a di rumete kuthethisa masotxhwa a kuwoneleta, a to leleta kumana dawe. Se Herodha a to khukha Judheya e kwitima Khezareya eya zumba kona.

Matewu 27:5

Se a di vinzile male hahatshi, mu Dithepeleni, ene a to huma e tsula eya ti tshongisa.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Dhaniyeli 2:15

A to xamula a txi khene ka Ariyoki, nduna ya mfumeli: Wu kuluvetisa kutxani mthetho wo ta ngu ka mfumeli kani? Sekoko Ariyoki a to txhamusela mhaka ka Dhaniyeli.

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

1 Vafumeli 13:28

Se a to tsula eya mana txirumbi txa kona txi di kwapa-kwapa hanzila, se mbongola ni ngonyamo si di emile hafuhi ni txirumbi; ngonyamo yi sa mita mmidi, hambi kuphatulela mbongola.