Dhaniyeli 3:19 - Bhiblia Yo Sawuleka

¹⁹ Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Dhaniyeli 3:19 Referans Kwoze

Dhaniyeli 3:13

Sekoko Nebhukodhonosori, ngu kuhenya ni txiviti, a to rumela kuya dhana Xadrake, ni Mixake, ni Abhedhi-Nego. Se vavamna vava va to tiswa masoni ka mfumeli.

Levhi 26:24

nanani ni na hambana ni nanu, ni txi mi tsayisa ngu kuwuyeta kambe mtxhanu wa sikhati ni simbidi, ngu mhaka ya sionho sanu.

Mavingu 21:24

M'thu wa matshanza ni kutikulisa, ditina dakwe ku mnyenyi, wule a mahako totshe ngu kuhenya ni kutikukumukisa.

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Mithumo 5:33

Ngako va dibanza va txi engisa mapswi awa, va to henya ngutu, se ve langana makungo a ku va daya.

Dhaniyeli 5:6

Sekoko khohe ya mfumeli yi to kwalala ngu kuthava, ni mapimo akwe ma to vhinganyeka; tinyonga takwe ti txi hololo, ni mazolo akwe me gumulana.

Masalmo 76:10

Txiviti txako txa kuhenyela vabihi txa hinduka txi maha wudhumo wako; vathu va va nga huluka kufa ngu yimbi va na maha m'buso wa ku kualakanya!

Levhi 26:21

Ngako mi txi hambana ni nani, mi tamarisa mi si ni engisi, ni na engeta ni txi ruma makhombo, ni txi wuyeleteta kambe mtxhanu wa sikhati ni simbidi, kasi ku mi tsayisa, ngu mhaka ya sionho sanu.

Levhi 26:18

Se ngako mi txi tamarisa mi si ni engisi, ni na mi tsayisa mtxhanu wa sikhati ni simbidi, ngu mhaka ya sionho sanu.

Mithumo 7:54

Ku ti ngako va di pfite timhaketo ta Sitefani, va to henya ngutu timbiluni kwawe, se ve gegeresela makwasa, ngu txiviti nayo.

Dhaniyeli 6:24

Se mfumeli a to rumisa taku kunehwa vavamna vale va nga lumbeta Dhaniyeli, se vona ni vanana vawe, ni vasikati vawe, va to rinzwa diphalani ka tingonyamo, se tingonyamo ti va khamukela, na va sanzi kuhoka hahatshi ka diphala, ti va phatulela marambu otshe.

Isaya 51:23

Aniko ni na di veka manzani ka vale va ku henyisako, va ku kha vona moyani kwako: Nama, kasi ku hi pinda ngu txitimwi kwako; se msana wako u wu mahile ku nga mafu, wu txi nga nzila ya vale va pindako.

Mavingu 16:14

Txiviti txa mfumeli txi fanana ni mtumi wa lifo, kambe m'thu wo txhariha a na mmalata.

Esteri 7:7

Se mfumeli, a to khukha m'busoni ka hombe ka vhinya a di henyile eya thembweni ka nyumba ya wukoma; se Hamani a to khukha a txi ema, e khongotela msikati wa mfumeli Esteri ti to e hulukisa wutomi wakwe; nguko a ti woni ti to mfumeli a lava ku mmahela to biha.

Genesisi 31:2

Ngu kuwona khohe ya Labhani, Jakobe a ti woni kambe ti to Labhani khaswi a txi mtsakela kufana ni kale.

Dhaniyeli 2:12

Sekoko mfumeli a to henya ngutu e pandiseka; e leletela ti to kudawa totshe titxhari ta Bhabhilona.

Dhaniyeli 3:20

Se a to ruma vavamna vokari va mtamo ngutu va dibutho dakwe da yimbi, kuya sunga Xadreke, ni Mixake, ni Abhedhi-Nego, ve va rinza amu ka txikho txa mndilo wu wu turako ngutu.

Esteri 3:5

Ngako Hamani a di woni koko ti to Mordhekayi kha nami, kambe kha mkhizami masoni kwakwe, Hamani a to tala ngu kuhenya.