Dhaniyeli 3:18 - Bhiblia Yo Sawuleka

¹⁸ Se hambi txi si hi hulukisi, tizive awe mfumeli, ti to athu kha hi na mbi thumela sizimu sako, hambi kukhozela txithombe txa nzalama txile u nga txi emisa.

Dhaniyeli 3:18 Referans Kwoze

Matewu 10:39

Awule a zamako kuxayisa wutomi wakwe a na luzekelwa ngu wona, ani wule a luzekelwako ngu wutomi wakwe ngu mhaka ya lirando ni nani, a na tshumela e wu mana.”

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Jobe 13:15

Hambi txi txi ni daya Txizimu, ni na ema ka txona; ni na emela totshe tinzila tangu masoni ka txona.

Mithumo 4:19

Kambe Pedro ni Johani va to xamula, va txi kha vona: “Ati ti nga lulama masoni ka Txizimu ngu tihi kani: Kuengisa anu mwendo kuengisa Txizimu kani?

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Matewu 10:28

“Mi nga thaveni ava va dayako mmidi, va si sikotiko kudaya moya. Aniko thavani Txizimu txi ku ni mtamo wa kulovisa mmidi ni moya Gehena.

Matewu 16:2

Aniko ene a to va xamula, a txi khene kwawe: “Mbimo yi di swako, mi khanu: ‘Di na txa kwati, nguko nzuma yi bhilivite nga mndilo.’

Vahebheru 11:25

A ti woni i di tshuko kuxaniseka kumweko ni vathu va Txizimu, kupinda ku ti tsakisa mbimo ya yidotho ngu kuhanya txionhoni.

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:18

Kambe ni mahile ti to kusala ka Israyeli 7.000, otshe mazolo ma nga mbi khizamela Bhahali, ni sotshe sisofu si si nga mbi mpswopswa.