Dhaniyeli 3:13 - Bhiblia Yo Sawuleka

¹³ Sekoko Nebhukodhonosori, ngu kuhenya ni txiviti, a to rumela kuya dhana Xadrake, ni Mixake, ni Abhedhi-Nego. Se vavamna vava va to tiswa masoni ka mfumeli.

Dhaniyeli 3:13 Referans Kwoze

Dhaniyeli 3:19

Sekoko Nebhukodhonosori a to tala ngu kuhenya, se khohe yakwe yi to thuvika yi wukela Xadreke, Mixake, ni Abhedhi-Nego; a to rumisa ti to txikho txi onzetelwa kupinda mtxhanu wa sikhati ni simbidi sa tolovelo.

Dhaniyeli 2:12

Sekoko mfumeli a to henya ngutu e pandiseka; e leletela ti to kudawa totshe titxhari ta Bhabhilona.

Mithumo 24:24

Ngako ku di pindile masiku okari, Felikisi a to ta, a di ni Drusila, msikati wakwe, wa Mujudha. A to dhana Paulo, e ta mu engisa a txi womba-womba ngu likholo ka Kristu.

Luka 21:12

Aniko ti sinzi kumaheka totshe tiya, va na mi ñola, va txi mi xanisa, va txi mi ningela masinagogani, va txi mi sekela mikorani; va na mi yisa ka vakoma ni vafumeli ngu mhaka ya ditina dangu;

Luka 6:11

Konaho vona va to tala ngu kuhenya, se ve wombawombisana ngu ti va no ti maha ka Jesu.

Marku 13:9

“Kambe anu ti woneleni, nguko va na mi ningela mabanzani ko lamulwa, ni masinagogani, mi na kwapelwa, mi emiswa masoni ka tinduna ni ka vafumeli ngu mhaka yangu, kasiku mi va tifakazi tangu masoni kwawe.

Matewu 10:18

se va na mi yisa masoni ka tinduna ni ka vakoma ngu mhaka yangu, kasi mi va tifakazi masoni kwawe ni ka vamatiko.

Mavingu 29:22

M'thu wa txihenyisani, wa wusa mazunga; se awule wa txiviti wa engetela sihambunyeto.

Mavingu 27:3

Dirigwi da nemela, mafu ni ona ma nemela; aniko kuhenya ka txiphukuphuku ka nemela kupinda sona.

Mavingu 17:12

I txhuko kumanana ni txibanda txo honyolwa vanana, kupinda kumanana ni txiphukuphuku amu ka wuphukuphuku wa txona.

Genesisi 4:5

aniko kha wona ngu kutsaka Kayini ni mningelo wakwe. Kayini a to henya ngutu, ni khohe yakwe yi to thuvika.

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.