Dhaniyeli 3:12 - Bhiblia Yo Sawuleka

¹² Ku ni vavamna vokari va Vajudha, avale u nga va veka ku ve thangela mabhindu a didhoropa da Bhabhilona: Xadreke, Mixake ni Abhedhi-Nego; vavamna vava, awe mfumeli, kha va kuxoniphi, kha va thumeli sizimu sako, hambi txithombe txa nzalama txile u nga txi emisa, kha va txi khozeli.

Dhaniyeli 3:12 Referans Kwoze

Dhaniyeli 6:13

Sekoko va to xamula masoni ka mfumeli, va txi kha vona: Dhaniyeli i ku mmweyo wa vale va nga tiswa ngu ditikoni ka Judha, kha kuengisi, awe mfumeli, hambi txileleto txi u nga sayina; ati mahela mikombelo yakwe kuraru ngu ditshiku.

Dhaniyeli 2:49

Se Dhaniyeli a to kombela ka mfumeli ku e veka Xadreke, Mixake ni Abhedhi-Nego kuva vathangeli va mabhindu a ditiko da Bhabhilona, aniko Dhaniyeli a to zumba ka sike sa mfumeli.

Mithumo 17:7

se Jasoni a va amukete m'tini kwakwe, kasi vona votshe va kanyisa mlayo wa Khezari, va txi kha vona waho mmwani mfumeli, i ku Jesu!”

Mavingu 27:4

Txiviti txi bihile, ni kuhenya i ndambi, se i mani a no ema masoni ka dibava kani?

Mithumo 5:28

“Hi mi tsimbile ngu mthetho wa kupfala, ti to mi si gondisi ngu ditinedo. Aniko anu mi tatile Jerusalema ngu kugondisa kwanu; mi lava ti to mnoha wa m'thu wuwa wu txi thekelela txitimwi kwathu.”

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Esteri 3:8

Se Hamani a to khene ka mfumeli Asuwero: Ku ni vathu va nga hangalaka, ve abanela ngu matiko otshe a hombe, a mfumo wako, vathu vava milayo yawe yi hambanako ni milayo ya votshe vathu, va si londetiko milayo ya mfumeli; ngu kumaha keto, kha ti vhuni txilo ku mfumeli e va leka ve zumba.

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Dhaniyeli 3:11

se ni wuhi a no mbi khizama e txi khozela, a na rinzwa mndani ka txikho txa mndilo wu wu turako ngutu.

Dhaniyeli 3:16

Xadreke, Mixake ni Abhedhi-Nego va to xamula mfumeli Nebhukodhonosori, va txi kha vona: Kha hi naveli kuxamula txilo txitimwi ka mhaka yiya.

Dhaniyeli 3:29

Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 3:30

Sekoko mfumeli a to kulisa Xadreke, ni Mixake, ni Abhedhi-Nego, ka ditiko da hombe da Bhabhilona.

Dhaniyeli 6:14

Ngako mfumeli a di pfite mhakeyo, a to pandiseka ngutu mbiluni kwakwe, a to thuma kuza ditambo diswa, a txi lava wutxhari wo hulukisa ngu wona Dhaniyeli.