Dhaniyeli 3:10 - Bhiblia Yo Sawuleka

¹⁰ Awe mfumeli u humisile mthetho waku votshe vathu vale va no pfa diguwa da mpundu, ni da txitende, ni da dikhombela, ni da ngoma, ni da totshe tixaka ta sivetaveta, va na khizame ve khozela txithombe txa nzalama;

Dhaniyeli 3:10 Referans Kwoze

Dhaniyeli 6:12

Sekoko va to ya ti kombekisa ka mfumeli, va txi kha vona: Madingano ni mlayo wa wukoma, ina khwa sayina txileleto txaku, ni wuhi wule a no maha txikombelo ka txizimu txokari, mwendo ka m'thu wokari, mndani ka magumi mararu a masiku, na i si nga kwako, awe mfumeli, a na rinzwa diphalani ka tingonyamo kani? Mfumeli a to xamula, a txi khene: Mhaka yiya yi tsani, madingano ni mlayo wa Vamedhi ni Vapersa, wu si dinganiko kutxitxwa.

Johani 11:57

Aniko, vaphaxeli va hombe ni Vafarisi va ti leletile tito, awu a ku zivako mu a ku kona, e va zivisa, kasiku veya mu ñola.

Amosi 6:5

mi embelela ngu mpfumawulo wa harpa, mi ti mahela sitxaya txaya sanu so embelela ku nga Dhavhidha:

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Isaya 10:1

Dikhombo ka vale va vekako milayo yo mbi lulama, ni vabhali vale va bhalako milayo yo xanisa vathu.

Ekleziyaste 3:16

Ni to wona kambe hahatshi ka ditambo tito: Ha wukhaloni ka wulamuli, ku ni wubihi; ni ka wukhalo wa wululamo, ku ni wubihi ni kona.

Masalmo 94:20

Awe khu sikoti kusengela ni valamuli vo biha, nguko evo va teka wubihi va txi wu maha mlayo.

2 Makronika 29:25

A to veka Valevhi Nyumbani ka Mkoma, va di ni sitende, ni tingoma, ni timbila, madingano ni kuruma ka Dhavhidha ni ka Gadhi mhuti wa mfumeli, ni wa mprofeti Nathani i ku kuruma ku kutako ngu ka Mkoma, ngu dianza da vaprofeti vakwe.

1 Makronika 15:28

Se votshe va ka Israyeli va to teka dibhokiso da txitumelelano txa Mkoma, ngu kutsaka ka hombe, na va txi veta mpfumawulo wa timbila ni mipundu ni titshodi, va txi maha diguwa da sitende ni tiharipa.

1 Makronika 15:16

Se Dhavhidha a to womba ka vathangeli va Valevhi ta ku ve veka vanawe ka mthumo wa kuembelela, ngu sivetaveta, ni sitende, ni tiharipa, ni titshodi, kasi ku ve pfalisa, ve guleta mapswi ngu kutsaka.

Eksodha 1:22

Sekoko Faro a to layela ka votshe vathu vakwe, a txi khene: “Votshe vanana vavafana va no velekwa va dumwateni mnamboni ka Nilo, aniko, vanana vamahorana va lekeni ve hanya.”

Eksodha 1:16

“Nga ti mi txi hefemulisa va sirumbu sa vasikati va Vahebheru, wonisisani vanana va kona. Nga ti i di mfana, dayani; aniko i di mwanana wa dihorana, mlekeni e hanya.”

Dhaniyeli 3:11

se ni wuhi a no mbi khizama e txi khozela, a na rinzwa mndani ka txikho txa mndilo wu wu turako ngutu.