Dhaniyeli 3:1 - Bhiblia Yo Sawuleka

¹ Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.

Dhaniyeli 3:1 Referans Kwoze

Habhakuki 2:19

Dikhombo ka wule a gelako ndonga a txi khene: Wuka! Se ni ka dirigwi da txiduma a txi khene: Vhumuka! Ina toneto ti nga gondisa kani? Wona ti to txi tshuletwe ngu nzalama ni silivhela, aniko hagari ka txona kuwalo moya ni wa wudotho.

Jeremiya 16:20

Ina m'thu wa sikota ku ti mahela sizimu, si i singako sizimu kani?

Isaya 46:6

Va xakela nzalama amu ka tithavangu, ve pima silivhela ngu sikalo; va hakela mtshuli, se ene e maha txizimu, masoni ka txona va nama ve khizama.

Hoseya 8:4

Vona va ti mahete vafumeli, kambe na i si nga ngu kuranda kwangu, va ti emisete vathangeli, aniko ani kha na tiziva; va ti mahete sithombe ngu silivhela ni nzalama yawe, kasi kuva txi loviswa.

Mithumo 19:26

kambe ma ti wona ni ku tiengisa va txi womba ti taku Paulo wuwa wa kujetela vathu, votala, i si nga Efesu muwa dwe, aniko a lavile kueneta dotshe ditiko da Aziya, a txi va hambukisa ngu ku va gela ku khene sizimu si si mahwako ngu manza athu, hi nga sizimu sa txilo.

Mithumo 17:29

Se hi di va liveleko la Txizimu, kha hi faneli kupimisa ti to wuzimu wu nga fananiswa ni nzalama, mwendo silivhela mwendo dirigwi do vatwa ngu wutxhari ni mapimo ya vathu.

Isaya 2:20

Ka ditshiku dile, vathu va na rinza ka mirukunya ni ka madema sithombe sawe sa silivhela ni sa nzalama, asi vona va nga si maha kasi kuva txi si khozela.

Masalmo 135:15

Sizimu sa vamatiko nza kuwumbwa ngu nzalama ni silivhela, nzimaha sa kukhandwa ngu manza a vathu.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Jeremiya 10:9

Silivhela yi nga atetwa yi nehilwe ngu Tarxixi, ni nzalama ya Ufazi; mthumo wa manza a vatshuli; si ambate mkuxe wa nzuma; sotshe siya, mthumo wa titxhari.

Isaya 30:22

Kambe asi si vhikelako sithombe sako sa nzalama, si na va si di nyenyezisilwe, ni si si vhikelako sithombe sako so tshulwa ngu nzalama; se u na si tshotsha hahatshi nga sigwanda sa nzambwa, kambe u na khawe ka tximwetxo ni tximwetxo txa sona: Humani hawa!

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

Eksodha 32:31

Se Mosi a to tshumela a txi ya ka Mkoma, a txi ya khene: “Avava vathu va mahile txionho txa hombe, ngu ku ti mahela sizimu sa nzalama.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Dhaniyeli 3:30

Sekoko mfumeli a to kulisa Xadreke, ni Mixake, ni Abhedhi-Nego, ka ditiko da hombe da Bhabhilona.

Esteri 1:1

Se ku to maheka tito, ka masiku a Asuwero (awuwa i Asuwero wule a fumela 127 wa matiko a hombe; kukhukhela Indiya kala Etiyopiya);

Dhaniyeli 3:14

Nebhukodhonosori a to va wotisa, a txi khene: Ni geleni awe Xadreke, ni Mixake, ni Abhedhi-Nego, i na mo maha khakwenye kulamba kuthumela sizimu sangu, ni kukhozela txithombe txa nzalama, txile ni nga txi emisa, kani?

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Hoseya 2:8

Ene koko, kha tizivi ti to ani ni mnigile sakudya, ni dosi, ni mafura, kambe ni muengetete silivhela ni nzalama, sile va nga maha ngu sona txithombe txa Bhahali.

Dhaniyeli 2:49

Se Dhaniyeli a to kombela ka mfumeli ku e veka Xadreke, Mixake ni Abhedhi-Nego kuva vathangeli va mabhindu a ditiko da Bhabhilona, aniko Dhaniyeli a to zumba ka sike sa mfumeli.