Dhaniyeli 2:6 - Bhiblia Yo Sawuleka

⁶ Kambe ngako mi txo ni gela mloro wangu, ni txhamuselo ya kona, ni na mi ninga siningo, ni sibongelo, ni wudhumo wa hombe; ngu kumaha keto, ni geleni mloro wangu, ni txhamuselo ya kona.

Dhaniyeli 2:6 Referans Kwoze

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 2:48

Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Dhaniyeli 5:29

Sekoko Bhelxazari a to leleta ti taku Dhaniyeli e ambekwa nguwo yo bhilivila, ni liketani la nzalama mkoloni kwakwe, ve zivisa ti taku ngene a no maha mfumeli wa wuraru wa mfumo.

Mitengo 24:11

Se konkuwa thava u tsula ka wukhalo wako; ani ni ti ti khani ni na kudhunda ngutu; aniko wona taku, Mkoma a ku tsivete wudhumo wuwa.

Mitengo 22:37

Bhalake a to khene ka Bhalahamu: Ina ani kha na ruma mitumi ya ku ta kudhana kani? Ngu kutxani u nga mbita kwangu kani? Ina ngu ti to ani kha ni sikoti ku ku mahela nduma ya hombe kani?

Mitengo 22:17

Nguko ani ni na ku mahela wudhumo wa hombe, totshe ti u no ni gela, ni na ti maha. Ngu konaho, ngono u ta ni lwela ka va vathu.”

Mitengo 22:7

Sekoko madhota a Vamowabhi ni madhota a Vamidhiyani, ma to tsula ni siningo so tsakisa manzani kwawe; ma to hoka ka Bhalahamu, me ya xawutela timhaka ta Bhalake.