Dhaniyeli 2:49 - Bhiblia Yo Sawuleka

⁴⁹ Se Dhaniyeli a to kombela ka mfumeli ku e veka Xadreke, Mixake ni Abhedhi-Nego kuva vathangeli va mabhindu a ditiko da Bhabhilona, aniko Dhaniyeli a to zumba ka sike sa mfumeli.

Dhaniyeli 2:49 Referans Kwoze

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Esteri 2:19

Sekoko mbimo yile mahorana o tuma ma nga sengeletwa ka wumbidi, Mordhekayi a ti ti khalahatshile ha txikeni ka mfumeli.

Amosi 5:15

Vengani wubihi, mi randa wunene, vekani wululamo ha banza kutilava Mkoma, Txizimu txa Mabutho a Tiyimbi, txi na pfela wusiwana masalelwa ya Josefa.

Esteri 2:21

Ka masiku oneyo, na Mordhekayi a di khalahatshile ha txikeni ka mfumeli, mithenwa yimbidi ya mfumeli, ya vawoneleli va txike, Bhigitani ni Teresi va to henya ngutu, se ve lavetela kudaya mfumeli Asuwero.

Dhaniyeli 2:17

Sekoko Dhaniyeli a toya nyumbani kwakwe eya zivisa mhaka ka vangana vakwe Hananiya, ni Misayeli, ni Azariya,

Dhaniyeli 1:17

Txizimu txi to ninga mazambi awa a mune wuzivi ni mapimo wo ziva yotshe mibhalo ya wutxhari; kambe Dhaniyeli txi to mninga mapimo o txhamusela sotshe siwoniso ni miloro.

Jeremiya 39:3

ku to wulela votshe vathangeli va mfumeli wa Bhabhilona, va to ya ema ka txike txa hagari, i ku va va: Nergali-Sarezeri, ni Samigari-Nebho, ni Sarsekimu, ni Rabhi-Sarisi, ni Nergali-Sarezeri, ni votshe vathangeli va mfumeli wa Bhabhilona.

Mavingu 28:12

Mbimo yile vo lulama va humelelako, ku ni kutsaka ka hombe; aniko ku txi humelela muonhi, vathu va sisala.

Esteri 3:2

Se sotshe sithumi sa mfumeli, sile si nga ti ha txikeni ka mfumeli, si ti nama si khizama masoni ka Hamani; nguko a ti wombisile toneto mfumeli ngu Hamani; kambe Mordhekayi asi nami hambi kukhizama.

Dhaniyeli 6:2

se txitimwi kwawe a to veka vathangeli vararu, mmweyo wawe i ti ti Dhaniyeli, ati taku vafumeli va na yisa mibiko ka vona, kasiku mfumeli asi kanganyiswi ngu txilo.

Dhaniyeli 3:1

Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.