Dhaniyeli 2:48 - Bhiblia Yo Sawuleka

⁴⁸ Sekoko mfumeli a to kulisa Dhaniyeli, e mninga siningo sasingi sa hombe, e m'veka kuva mfumeli wa ditiko dotshe da Bhabhilona, ni kuva mfumeli wa hombe wa totshe titxhari ta Bhabhilona.

Dhaniyeli 2:48 Referans Kwoze

Dhaniyeli 2:6

Kambe ngako mi txo ni gela mloro wangu, ni txhamuselo ya kona, ni na mi ninga siningo, ni sibongelo, ni wudhumo wa hombe; ngu kumaha keto, ni geleni mloro wangu, ni txhamuselo ya kona.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

Dhaniyeli 4:9

Awe Bheltexezari, mthangeli wa titxhari, na tiziva ti taku moya wa sizimu so sawuleka wu kwako, aniko kha ku na txihunja txo karata kwako; ningela siwoniso sa mloro wule ni nga lora ni txhamuselo ya kona.

Dhaniyeli 5:29

Sekoko Bhelxazari a to leleta ti taku Dhaniyeli e ambekwa nguwo yo bhilivila, ni liketani la nzalama mkoloni kwakwe, ve zivisa ti taku ngene a no maha mfumeli wa wuraru wa mfumo.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Dhaniyeli 3:30

Sekoko mfumeli a to kulisa Xadreke, ni Mixake, ni Abhedhi-Nego, ka ditiko da hombe da Bhabhilona.

Dhaniyeli 3:12

Ku ni vavamna vokari va Vajudha, avale u nga va veka ku ve thangela mabhindu a didhoropa da Bhabhilona: Xadreke, Mixake ni Abhedhi-Nego; vavamna vava, awe mfumeli, kha va kuxoniphi, kha va thumeli sizimu sako, hambi txithombe txa nzalama txile u nga txi emisa, kha va txi khozeli.

Dhaniyeli 3:1

Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.

Jeremiya 5:5

Naya ka vahombe, ni naya womba-womba navo; nguko va ziva nzila ya Mkoma, ni milayo ya Txizimu txawe.” Aniko votshe va ti ti funyile dikange, ni kubhenula majoke.

Jobe 1:3

A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.

2 Vafumeli 5:1

Se Nahanani, mthangeli wa dibutho da mfumeli wa Siriya, i ti ti m'thu wa hombe masoni ka nyamne wakwe, ni kuthaviseka ngutu; nguko Mkoma a mthumisile kutxhatxhisa Vasiriya; ene i ti ti wamwamna wa lisima, hambiko a nga ti ti ni xokonho.

2 Samuwele 19:32

Se Bharizilayi a ti ti kumbile ngutu, wa tanga ya mtxhanu wa magumi ni magumi mararu a malembe; kambe ene a ti ti heleketa sakudya ka mfumeli, mbimo yile mfumeli a nga ti zumba Mahanayime, nguko i ti m'thu wa hombe ngutu.

1 Samuwele 25:2

Kona Mawomi, ku ti ti ni wamwamna wokari, a nga ti ni tithomba takwe kona Karmeli; se wamwamna wuwa a ti ni mtamo ngutu, a ti ni 3.000 wa tinvuta ni 1.000 wa tiphongo, kambe a ti ti tsemeta tinvuta takwe kona Karmeli.

1 Samuwele 17:25

va txi kha vona: Ina mi mwoni wamwamna wule a kwelelako kani? Se a kwelete ku ta ruketela va ka Israyeli. Ku na maheka tito, awule a no m'daya, mfumeli a na mninga thomba yayingi ngutu, e mninga ni mwanana wakwe wa dihorana, ni kumaha ti taku nyumba ya tate wakwe yi txhatxheka ko diha khupo kona Israyeli.

Mitengo 24:11

Se konkuwa thava u tsula ka wukhalo wako; ani ni ti ti khani ni na kudhunda ngutu; aniko wona taku, Mkoma a ku tsivete wudhumo wuwa.

1 Samuwele 2:8

Wa humisa txisiwana amu ka dikhuma, wa guleta txikulungu madhakani, kasi ku e txi khalahatshisa hagari ka vakoma, ni kuvaninga thomba ya txikhalo txa wudhumo; nguko makhato a mafu nga Mkoma, a vekile ditiko txitimwi ka ona.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 8:27

Se ani Dhaniyeli, ni to guma mtamo, ni lwala masiku okari; sekoko ni to wuka ni maha mithumo ya mfumeli; kambe ni xamalisilwe ngu mhaka ya txiwoniso, aniko ku si nga ni m'thu wu a txi pfisisako.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.