Dhaniyeli 2:47 - Bhiblia Yo Sawuleka

⁴⁷ Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhaniyeli 2:47 Referans Kwoze

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Amosi 3:7

Ngu ditshuri, Mkoma Txizimu, a na mbi maha txilo na a sa kombisa txihunga txakwe ka sithumi sakwe, vaprofeti.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Mtuletelo 19:16

Kubhatwe ditina ha nguwoni kwakwe ni ha nyongani kwakwe: “Mfumeli wa vafumeli, Mkoma wa vakoma!”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 1:5

ni ka Jesu Kristu i ku fakazi ya kuthembeka, matiwula ya vafi, Mkoma wa votshe vafumeli va mafu. Kwakwe, ene a hi randako, ene a nga hi kuwula sionho sathu ngu mnoha wakwe,

1 Timoti 6:15

akuwa ku nota kombisa, ka timbimo ti ti nga emiswa, ene nyamne wo dhumiseka ni wammweyo ekha, Mfumeli wa vafumeli, Mkoma wa vakoma;

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.

Masalmo 136:2

Dhumisani Txizimu txa sizimu; nguko lirando lakwe nda kala kupinduka!

Masalmo 82:1

Txizimu txi khalahatshile msengeletanoni ka nzumani; txi lamula hagari ka sizimu txi txi kha txona:

Masalmo 72:11

Vafumeli votshe va na ti namisa masoni kwakwe; yotshe mifumo yi na mthumela!

Genesisi 41:39

Msana keto, Faro a to khene ka Josefa: Ngako Txizimu txi nga ku tuletela totsheto, kha nga ho mmwani a ku ni mapimo ni wutxhari wo nga awe.

Dhaniyeli 4:32

Se u na thaviswa hagari ka vathu, u ya zumba ni sihari sa txitinga; va na kumaha udya mwasi kufana ni tihomu, kuza kupinda mtxhanu wa timbimo ni timbidi, an'ze wuziva ti taku Nyatxitimwi wa fuma txitimwi ka mifumo ya vathu, kambe wa ninga ni wihi wu a mrandako.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.

Dhaniyeli 2:19

Sekoko txihunja txi to wonekiswa ka Dhaniyeli, amu ka mloro, ni wusiku; se Dhaniyeli a to dhumisa Txizimu txa nzumani.

Jobe 12:19

Txizimu txa teka vathangeli va di handilwe; vanyamitamo txa va thidhelisa.

Joxuwa 22:22

Txizimu txa sizimu, Mkoma, Txizimu txa sizimu, Mkoma, Ene wa tiziva, ni Israyeli nene a fanete ku tiziva; ngu didhawa dathu ngako hi di mahile wuhurupha mwendo kueyisa Mkoma wathu, ene a na leke ku hi hulukisa ka ditshiku da nyamsi,

Dhaniyeli 4:25

U na thaviswa hagari ka vathu, se u hanya ni sihari sa txitinga, se si na kumaha wudya mwasi kufana ni tihomu, wu nakaniswa ngu mwando wa nzumani; kambe ku na pinda mtxhanu wa timbimo ni timbidi txitimwi kwako, kala kuza wuziva ti to Nyatxitimwi wa fuma txitimwi ka mifumo ya vathu, ni kuninga kufuma ka wule amu randako.

1 Vakorinto 14:25

makungo a mbilu yakwe, ma na humeleliswa ha kubasani, se a na namisa mbanza, e khozela Txizimu, e womba a txi khene: Kha ditshuri Txizimu txiho hagari kwanu.

Masalmo 136:3

Dhumisani Mkoma wa vakoma; nguko lirando lakwe nda kala kupinduka!

Ezekhiyele 26:7

Nguko Mkoma Txizimu a khene: Wona taku Tiro ni na mtisela Nebhukodhonosori, mfumeli wa Bhabhilona, kukhukhela Wuphemba, mfumeli wa vafumeli, ni mahantxhi, ni sikotxikani, ni vagadhi va mahantxhi, ni vaheleketi, ni vathu votala ngutu.

Dhaniyeli 2:29

Awe mfumeli u di ha m'bhedhuni kwako, u to telwa ngu mialakonyo ya timhaka ti ti no humelela ka masiku matako. Awule a zivisako sihunja, a kuzivisile ti ti no maheka.

Dhaniyeli 2:30

Se ani ni wonisilwe txihunja txiya, na i si nga ngu ku ani no va ni wutxhari wa hombe kupinda votshe vathu, aniko kasiku txhamuselo ya kona yi hoka ka mfumeli, ni ti to u pfisisa maalakanyo a mbilu yako.

Dhaniyeli 3:15

Se konkuwa koko, mi txi lava kuhuluka, mbimo yi mi no pfa diguwa da mpundu, ni sitende ni tingoma ni makhombela ni titshodi, ni wa totshe tixaka ta sivetaveta, khizamani mi khozela txithombe txile ni nga txi maha, mi na va mi txi maha kwati; aniko ngako mi si txi khozeli, mi na rinzwa ka mbimo yoneyo, mndani ka txikho txa mndilo wu wu turako ngutu; se ngu txihi Txizimu txi nga sikotako ku mi txhatxhisa manzani kwangu kani?

Dhaniyeli 3:28

Se Nebhukodhonosori a to womba, a txi khene: Ku na bongwe Txizimu txa Xadreke, ni Mixake, ni Abhedhi-Nego, txile txi nga rumela Ngelozi ya txona ku ta hulukisa sithumi sa txona, sile si nga themba ka txona, nguko kha va lava kulondisa dipswi da mfumeli, ve tumela kuningela mmidi yawe, kasiku va si thumeli hambi kukhozela tximwani txizimu txokari, hahanze ka Txizimu txawe.

Dhaniyeli 3:29

Ani koko na veka mthetho, awu votshe vathu, matiko, tidimi, va no womba wubihi ngu Txizimu txa Xadreke, ni Mixake, ni Abhedhi-Nego, va na gangelwe, ni tinyumba takwe ti na mahwe matala; nguko kha ku na tximwani txizimu txi sikotako kuhulukisa kufana ni txiya.

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

2 Vafumeli 5:15

Sekoko a to tshumelela ka m'thu wa Txizimu, ene ni votshe vale a nga ti ti navo, e ta bwaka masoni kwakwe a txi khene: Wona taku na tiziva taku ha mafuni kotshe kha ku na txizimu, hahanze ka Txizimu txa Israyeli. Konkuwa ni kombela u amukela txibongelo txa txithumi txako.

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!