Dhaniyeli 2:45 - Bhiblia Yo Sawuleka

⁴⁵ Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.

Dhaniyeli 2:45 Referans Kwoze

Isaya 28:16

Ngu mhaka yeto, Mkoma Txizimu a khene: Wonani taku ani ni vekile dirigwi Siyoni, dirigwi di koko di nga tumelwa, dirigwi da lisima da ha dikhonani, do tsana ngutu, kambe do tshima; awule a kholwako kha na mbi thava.

Genesisi 41:32

Ngako mloro wuwa wa Faro wu nga woneka sikhati simbidi, tikomba ti to mhakeyo yi tsanisilwe ta tinene ngu Txizimu, kambe Txizimu txi na kuluvetela ku ti maha eto.

Malakiya 1:11

Se kukhukhela wutxani, kala mswa-ditambo, ditina dangu di na va da hombe hagari ka matiko, aniko ka otshe makhalo, ku na ningelwa dibaselo ni mphaxo wo sawuleka ditinani kwangu; nguko ditina dangu di na va da hombe hagari ka matiko, kuwomba Mkoma wa Mabutho a Tiyimbi.

Masalmo 48:1

Mkoma mbwa hombe, kambe a fanela kudhumiswa didhoropani ka Txizimu txathu, mmangoni kwakwe ko sawuleka!

2 Samuwele 7:22

Ngu toneto, u wa hombe ngutu, awe Mkoma Txizimu, nguko kha ku na wo fana ni nawe, kambe kha ku na tximwani Txizimu, hahanze kwako dwe, madingano ni totshe ti hi nga tipfa ngu tinzeve tathu.

Dhewuteronome 10:17

Nguko koko Mkoma, Txizimu txanu, Njizimu txa sizimu, Mkoma wa vakoma, Njizimu txa hombe, nyamitamo, wa kuthaviseka, awule a ku si nga ni txisawulela hagari ka vathu, awu asi tumeliko kuxawa.

Genesisi 41:28

Ngu toneto, ni nga womba ka Faro; ati Txizimu txi no maha, txi kombisile ka Faro.

Mtuletelo 19:17

Ngu msana ni to wona ngelozi, yi di emile ha ditamboni, yi txi kwangula ngu dipswi da hombe ka sotshe si si purumako ha mpfhukani ka nzuma, yi txi kha yona: “Ngonani, tshanganani mi txi ta ka m'buso wa hombe wa Txizimu.

Mtuletelo 4:1

Msana keto, ni to wona txiwoniso: Ditimba di nga ti tutwe nzumani, se dipswi do khata di ni nga ti di engisile, do tuma ku nga mpundu, di txi kha dona: “Kwela u txi ta hawa, kasiku ni ta kukomba ati ti no maheka msana ka tiya.”

Mtuletelo 1:19

Ngu kota yeto, bhala ati u nga ti wona, ati i ku tona ka yiya mbimo, ni ti ti na kumaheka ngu msana ka tiya.”

Luka 17:20

A wotisilwe ngu Vafarisi ti to Mfumo wa Txizimu wu nata ditshiku muni, se ene a to va xamula a txi khene: “Mfumo wa Txizimu kha wu woneki kuta ka wona.

Matewu 24:35

Nzuma ni mafu si na pinda, kambe mapswi angu kha ma na mbi pinda.”

Matewu 21:24

Jesu a va angute a txi khene: “Nanani ni lava ku mi mahela txiwotiso, se ngako mi txi ni xamula ka txona, anani ni na mi gela ti to ni maha tiya ngu mtamo muni.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 2:24

Ngu mhaka yeto, Dhaniyeli a toya ka Ariyoki, awule mfumeli a nga ti msawute ti to e dayela titxhari ta Bhabhilona, a to wulela a txi m'gela ku khene: U nga thuke u daya titxhari ta Bhabhilona, aniko ni yise masoni ka mfumeli, kasiku ni txiya mninga txhamusela ya mloro.

Masalmo 145:3

Mkoma mbwa hombe, kambe ana ni fanelo yo dhumiswa ngutu, wuhombe wakwe kha wu sikoti kupimwa.

Masalmo 135:5

Nguko ani na tiziva ti to Mkoma mbwa hombe, ni ti to Txizimu txathu txi txitimwi ka sotshe sizimu.

Masalmo 96:4

nguko Mkoma mbwa hombe, ana ni fanelo ya kudhumiswa, a fanete kuthawa kupinda sotshe sizimu!

Jobe 36:26

Wona, Txizimu nja hombe kupinda wuzivi wathu; kambe kha ku na kubalwa malembe a txona.

Nehemiya 9:32

Konkuwa koko, awe Txizimu txathu, awe Txizimu txa hombe, txa mtamo ni kuthisa, txi xayisako txitumelelano ni wunene, yi nga maneke i di yidotho yotshe xomulo yi yi nga hi hokela, ni vafumeli vathu, ni vathangeli vathu, ni vaphaxeli vathu, ni vaprofeti vathu, ni vatate vathu, ni votshe vathu vako, kukhukhela ka masiku a vafumeli wa va Asiriya, kala ka ditshiku da nyamsi.

Nehemiya 4:14

Se ni to wonisisa, ni khukha ni txi khani ka vathangeli ni ka va thaviseki, ni ka miboti ya vathu: Mi nga va thaveni; alakanyani Mkoma, wa hombe, wo thaviseka, lwelani vananu, vanana vanu, vasikati vanu, ni tinyumba tanu.

1 Makronika 16:25

Nguko Mkoma mbwa hombe; a fanela kudhumiswa ngutu, wa thaviseka kupinda sotshe sizimu.

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Dhaniyeli 2:29

Awe mfumeli u di ha m'bhedhuni kwako, u to telwa ngu mialakonyo ya timhaka ti ti no humelela ka masiku matako. Awule a zivisako sihunja, a kuzivisile ti ti no maheka.

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Genesisi 41:26

Mtxhanu wa tihomu ni timbidi ta vamakati, totshura, ti kombisa mtxhanu wa malembe i mambidi; mtxhanu wa mihumbo ni yimbidi yo tshura yi kombisa mtxhanu wa malembe ni mambidi; aniko mloro wumwewo dwe.

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Hagayi 2:22

se ni na hoxota txikhalo txa wukoma txa mifumo, kambe ni na khundumusa mitamo ya mifumo ya matiko; ni khundumusa txikotxikani, ni vale va khalahatshako ka txona; se mahantxhi ni vagadhi va ona, va na wa, mmwani ni mmwani ngu ditxhari da mwanawe.