Dhaniyeli 2:41 - Bhiblia Yo Sawuleka

⁴¹ Se ka sile u nga si wona, mikondo ni titiho, didhawa da dibumba da muwumbi, ni didhawa dimwani da simbi, ewo i nava mfumo wo abaniswa; hambi keto, ku nava ni txokari txo tsana txa simbi, nguko u woni simbi yo patwa ni dibumba da ndope.

Dhaniyeli 2:41 Referans Kwoze

Mtuletelo 17:12

“Titxheho tile ta digumi u nga ti wona digumi da vafumeli va sinziko kuamukela mfumo. Kambe vona va na amukela wukoma kota vafumeli txipimo txa txikhati tximwetxo dwe, kumweko ni txikalani.

Mtuletelo 13:1

Konako, ni to wona txikalani txi nga pfukula ngu lineneni, txi di ni digumi da titxheho ni mtxhanu wa misungo ni mimbidi. Txitimwi ka titxheho ku ti ni digumi da mibhoti, se txitimwi ka misungo, ku ti ni ditina do ruketela Txizimu.

Mtuletelo 12:3

Ngu msana ku to woneka tximwani txidiwukiso nzumani: Mwamilambo wa hombe ngutu, wo bhilivila a di ni mtxhanu wa misungo ni mimbidi, ni digumi da titxheho, se misungo yi ti ni mibhoti yotshelele.

Dhaniyeli 7:24

Se ngu ka titxheho tile ta digumi, ngu ka mfumo wonewo wawumwewo ku na emiswa digumi da vafumeli; msana ka kwawe ku na emiswa mmwani, wule a no hambana ni vale vo khata, e wisa vafumeli vararu.

Dhaniyeli 7:7

Msana keto, ni toya masoni ngu kuwona siwoniso sa wusiku, ni to wona txihari txa wumune, txo thisa ngutu ni kuxamalisa, txa mtamo ngutu, txi nga ti ni makwasa a hombe a tisimbi; txona txi ti ti khadamula ni kuphatulela, txi ganyatela ngu mikondo asile si nga tisala; txi ti hambana ni sotshe sihari sile si nga khata si humelela na txi si se vaho txona, kambe txi ti ni digumi da titxheho.

Dhaniyeli 2:40

Se mfumo wa wumune wu na va wa mtamo kufana ni simbi, wu na khundumusela ni kufayetela sotshe, kufana ni simbi yi yi khundumusako ni kufayetela sotshe.

Dhaniyeli 2:42

Se ngako titiho ta didhawa i nga ti ti ta simbi, dimwani didhawa i di ta dibumba, ngu kumaha keto didhawa da mfumo wu na va wo tsana, se dimwani didhawa wu na va wu sa tsana.