Dhaniyeli 2:4 - Bhiblia Yo Sawuleka

⁴ Se Vakaldheya va to kha vona ka mfumeli ngu txisiriya: Awe mfumeli, hanya kala kupinduka! Hi gela mloro athu sithumi sako, hi na wutxhamusela.

Dhaniyeli 2:4 Referans Kwoze

Dhaniyeli 5:10

Mfumeli wu i ku mame wa mfumeli, ngu mhaka ya mapswi a mfumeli ni a vahombe vakwe, a to wulela nyumbani ka m'buso wa hombe, e womba, a txi khene: “Awe mfumeli, hanya kala kupinduka!” Ma nga karateke mapimo ako, ni khohe yako yi nga txitxe.

Dhaniyeli 3:9

Se va to womba va txi kha vona ka mfumeli Nebhukodhonosori: Awe mfumeli, hanya kala kupinduka!

Ezra 4:7

Ka masiku ya Aritasasta, Bhisilamu, Mitredhate, Tabhili, ni vamwani vangana vakwe, va to bhalela Aritasasta, mfumeli wa Persiya; dipasi di ti ti bhatwe ngu mibhalo ya Txiharamu, aniko ngu lidimi la Txisiriya.

Isaya 36:11

Sekoko Eliyakimu, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva kha kwati; kambe u nga hi angule ngu Txijudha, tinzeveni ka vathu va va ku txitimwi ka diguma.

Dhaniyeli 6:21

Sekoko Dhaniyeli a to khene ka mfumeli: Awe mfumeli, hanya ngu ha ku sigwitiko!

Dhaniyeli 6:6

Sekoko vathangeli vava ni vafumeli, va to tsula votshe ka mfumeli, va txiya kha vona kwakwe: Awe mfumeli Dhariyo, hanya ngu ha ku sigwitiko!

1 Vafumeli 1:31

Sekoko Bhate-Xebha a to nama a txi zimamisa khohe hahatshi, a txi ti sola masoni ka mfumeli, a txi khene: “A na hanye mfumeli Dhavhidha, nyamne wangu, yotshe mbimo!”

Matewu 21:9

Dibutho dile da vathu va nga ti thangela masoni kwakwe, ni vale va nga ti londetela ngu msana, va ti ti embelela va txi kha vona: “Hozana ka Mwanana wa Dhavhidha! A na dhumiswe awu a tako ngu ditina da Mkoma! Hozana txitimwi nzumani!”

Dhaniyeli 5:8

Sekoko titxhari totshe ta mfumeli ti to wulela; aniko kha ta sikota kugonda mibhalo, hambi kugela mfumeli txhamuselo ya kona.

Dhaniyeli 4:19

Sekoko Dhaniyeli awule ditina dakwe i ku Bheltexezari, a to xamala, a txi dwee, ngu ora yimweyo, a txi karateka mapimoni kwakwe. Se mfumeli Nebhukodhonosori a to womba, a txi khene: “Bheltexezari, u nga karateke ngu mhaka ya mloro, hambi txhamuselo ya wona.” Bheltexezari a to xamula a txi khene: Nyamne wangu, mloro wuwa wu na wukele vale va ku nyenyako, ni txhamuselo ya wona, ka valala vako.

Dhaniyeli 4:7

Sekoko ku to wulela titxhari, ni tiñanga, ni Vakaldheya, ni vahuti, se ani to xawutela mloro masoni kwakwe; aniko kha va sikota ku nininga txhamuselo ya kona.

Isaya 44:25

ni khundumusako sikombiso sa vasiki va makuhu, ni kuxangisa vahuti; na tshumetela msana titxhari, ni kuvhinganyisa gondo ya tona;

Nehemiya 2:3

ni txi khani ka mfumeli: Hanya mfumeli kala kupinduka! Na lambela txani kukarateka mbiluni, na kuve didhoropa, wukhalo wa mathitha a vatate vangu, wu khundumusilwe, ni matimba a kona ma hisilwe ngu mndilo kani?

1 Vafumeli 1:25

Nguko nyamsi a relete, a date tihomu ta mikati, ni marole o nona, ni tinvuta tatingi, a rambile votshe vanana va mfumeli, ni vathangeli va yimbi, ni Abhiyatari, mphaxeli ndivale vadya ni kusela masoni kwakwe: Na va txi kha vona: “Hanya mfumeli Adhoniya!”

1 Samuwele 10:24

Sekoko Samuwele a to khene ka vathu votshe: Ma mona koko, awule Mkoma a nga msawula kani? Hagari ka vathu votshe, kha ku na m'thu wu a fanako nayo. Sekoko votshe vathu va to tsaka ngutu, va txi kha vona: Hanya mfumeli!

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Genesisi 31:47

Labhani a to raya wukhalowo ditina daku i Jegari-Sahadhuta, ani Jakobe a to wu raya ditina daku i Galedhi.

2 Vafumeli 18:26

Sekoko Eliyakimu mwana Hilikiya, ni Sebhina, ni Jowa, va to kha vona ka Rabhisake: Hi kombela ti to u womba-womba ka sithumi sako ngu Txisiriya, nguko ha txi ziva; u nga hi angule ngu Txihebheru, nguko ti nga pfiwa ngu votshe vale va ku txitimwi ka diguma.

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 2:7

Va to xamula da wumbidi va txi kha vona: Awe mfumeli, hi gele mloro athu sithumi sako, hi na kugela txhamuselo ya kona.

Dhaniyeli 4:9

Awe Bheltexezari, mthangeli wa titxhari, na tiziva ti taku moya wa sizimu so sawuleka wu kwako, aniko kha ku na txihunja txo karata kwako; ningela siwoniso sa mloro wule ni nga lora ni txhamuselo ya kona.

Dhaniyeli 6:7

Votshe vathangeli va mfumo, vafumeli ni vafumeli va ditiko, vathangeli va yimbi, ni vafumeli va matiko a hombe, va to sunga txikungo, kasi kuveka txileleto txa wukoma ni kutsanisa mlayo wuwa, waku: Ni wuhi wuwa mndani ka magumi mararu a masiku a no maha txikombelo ka txizimu txokari mwendo ka m'thu wokari, na i si nga kwako, awe mfumeli, a na rinzwe diphalani ka tingonyamo.