Dhaniyeli 2:35 - Bhiblia Yo Sawuleka

³⁵ Sekoko txi to koyolelwa kumweko ni txikete, ni dibumba, koporo, silivhela ni nzalama, asi si nga maneka nga mtungu wa timbimo ta kuoma, se moya wu si huhisa, kambe kha wa maneka wukhalo ni wawumwewo wo si lumba; aniko dirigwi di di nga khundumusa txithombe mmumbu wa hombe, di tata otshe mafu.

Dhaniyeli 2:35 Referans Kwoze

Masalmo 37:10

Ngu mbimoanyana ya yidotho, khu na mbi va wona kambe vabihi; hambi u txi tsimbila u va lava, khu na mbiswa u va wona.

Mtuletelo 20:11

Ngu msana ni to wona txikhalo txa hombe txa wukoma txo basa ni wule a khalahatshako ka txona. Nzuma ni mafu si tutuma si mu thava, ku si sali txikombiso txa hawa si nga ti kona.

Hoseya 13:3

Ngu toneto, va na fana ni direfu da mixo ni ku nga mwando wa mabimbi-kutxa wu kuluvetako kutshatsheka, kufana ni mazokoro ale txihuhuri txi ma rinzako ngu txihuleloni, ni kufana ni wutshi wa txiroroni.

Isaya 11:9

Kotshe mmangoni kwangu ko sawuleka, kha ku na mbi va ni kubiha hambi kuonhwa txilo, nguko mafu ma na tala ngu kuziva Mkoma kufana ni mati awa ma fenegetako linene.

Mtuletelo 12:8

hambiketo a xutwe, se ku si nga ngadi kumaneka wukhalo wawe nzumani.

Mtuletelo 11:15

Se ngelozi ya wutxhanu ni timbidi yi to veta mpundu wa yona. Konako ku to pfala mapswi a mtamo nzumani, ma txi kha ona: “Mfumo wa mafu konkuwa wu lumba Mkoma wathu ni Kristu wakwe, se ene a na fuma ngu ha ku si gumiko.”

1 Vakorinto 15:25

Nguko ta laveka ti to Kristu e fuma, kala kuza e veka votshe valala hahatshi ka mikondo yakwe.

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Masalmo 103:16

aniko, mbimo yi diphuho di txi futetako, txa mora, ku si zivaneki kambe ahawa txi nga ti kona.

Masalmo 86:9

Mkoma, awe u mahile mifumo yotshe, se yona mifumo ya ta masoni kwako yi ta dhumisa ditina dako.

Masalmo 66:4

Ditiko dotshe da kukhozela di txi kudhumisa ngu tindando; votshe va embelela tindando ka ditina dako.”

Masalmo 46:9

Mkoma wa fuvisa tiyimbi kotshe ha mafuni; wa funyeletela wulaho, e wila ditxhari; ni kuhisa sikotxikani ha mndiloni!

Masalmo 37:36

kambe a mwalate: Khe ngadi a txi hanya; ni mlavile, aniko kha na mmana.

Masalmo 22:27

Vathu va yotshe mifumo va na alakanya Mkoma; ngu ka otshe madhawa a ditiko va na wuya kwakwe. Totshe tihunzu ti na mkhozela.

Jobe 6:17

Mbimo yile yi nyekiswako ngu lisani, ya hangalaka; se ngu kupfa kufutumela, ya mwalala ka wukhalo wa yona.

Isaya 8:9

Mahani diguwa da kulwa, anu matiko, mi na funyeletelwa; riyani tinzeve motshenu va matiko a kule, tsanani, mi na phatulelwa, tsanani, mi na phatulelwa.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Zakariya 12:3

Ka ditshiku donedo, ku na maheka tito, ni teka Jerusalema eva dirigwi do nemela ka otshe matiko; votshe vale va no di rwala, ngu ditshuri, va na phwaraselwa, se otshe matiko a ha mafuni ma na patana me di wukela.