Dhaniyeli 2:31 - Bhiblia Yo Sawuleka

³¹ Awe mfumeli, u to wona txithombe txa hombe; txithombe etxo, i nga ti ti txa hombe, ni kuphatima ngutu, txi di emile masoni kwako. Txithombe txa kona i ti txo thisa ngutu.

Dhaniyeli 2:31 Referans Kwoze

Habhakuki 1:7

Mbathu vo thisa ni kudhukisa; wuhombe ni wulamuli wu na huma kwawe vapune.

Ezekhiyele 28:7

Wona taku, ni na tisa vamatiko txitimwi kwako, avale vo karata ngutu hagari ka matiko, avale va no swomola matxhari awe, ve wukela kutshura ka wutxhari wako, kambe va na nzihalisa kuphatima kwako.

Isaya 13:11

Se ni na tsayisa mafu ngu mhaka ya kubiha ka ona, ni vabihi ngu mhaka ya sionho sawe, ni na heta kutikulisa ka va makolo, vanyamitamo ni vathu wo ti guleta ni na va veka hahatshi.

Luka 4:5

Sathani a to mteka a txi mu yisa mmangoni, a txi mkomba ngu txikhatianyana, yotshe mifumo ya ditiko,

Matewu 4:8

Sathani a to engeta kambe e mteka a txi kwela nayo ka mmango wo lapha ngutu, e mkomba yotshe mifumo ya ditiko, ni tithomba ta yona;

Dhaniyeli 3:1

Mfumeli Nebhukodhonosori a to maha txithombe txa nzalama, txi txi ku ni kulapha ka mtxhanu wa magumi ni dimwedo a mikono, ni kuanama ka mtxhanu wa mikono ni wumweyo, eya txi emisa thembweni ka Dhura; ditikoni ka Bhabhilona.

Dhaniyeli 4:36

Mbimo yoneyo, mapimo angu ma to wuya, amu ka wudhumo wa mfumo wangu, wu to tshumela wu wuya wuhombe wangu ni kuphatima kwangu; se vathangeli vangu ni vahombe vangu va tota ni lava, aniko ni tshumetelwa ka mfumo wangu, ni wudhumo wangu wu to engetelwa.

Dhaniyeli 2:36

Se mloro wa kona ngu wuwa; ni txhamuselo ya kona hi na yi womba masoni ka mfumeli.

Dhaniyeli 2:37

Awe mfumeli, u mfumeli wa vafumeli, awu Txizimu txa nzumani txi nga mninga mfumo, ni wuhombe, ni mtamo, ni wudhumo.