Dhaniyeli 2:3 - Bhiblia Yo Sawuleka

³ Se mfumeli a to khene kwawe: “Ni lorile, se moya wangu wa xaniseka ngu kulava kuziva txhamuselo ya mloro wuwa.”

Dhaniyeli 2:3 Referans Kwoze

Genesisi 41:15

Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Dhaniyeli 2:1

Ka dilembe da wumbidi da kufuma ka Nebhukodhonosori, Nebhukodhonosori a to lora miloro yokari, se moya wakwe wu to karateka, kuza kuhangalaka ni wukohe wakwe.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.