Dhaniyeli 2:29 - Bhiblia Yo Sawuleka

²⁹ Awe mfumeli u di ha m'bhedhuni kwako, u to telwa ngu mialakonyo ya timhaka ti ti no humelela ka masiku matako. Awule a zivisako sihunja, a kuzivisile ti ti no maheka.

Dhaniyeli 2:29 Referans Kwoze

Dhaniyeli 2:28

Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Ezekhiyele 38:10

Mkoma Txizimu a khene: Se ku na maheka ka dona ditshiku dile taku, u nave ni kualakanyela mbiluni kwako, se u na ziva zumbelo yo biha.

Genesisi 41:25

Sekoko Josefa a to khene ka Faro: “Mloro wa Faro mbumwewo dwe; ati Txizimu txi no maha, ngu tile txi nga gela Faro.”

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.