Dhaniyeli 2:28 - Bhiblia Yo Sawuleka

²⁸ Aniko ku ni Txizimu tximwetxo nzumani, txi txi zivisako sihunja; ngu txona txi nga zivisa mfumeli Nebhukodhonosori ti ti no humelela ka masiku a matako. Mloro wako ni siwoniso si u nga si wona ha m'bhedhuni kwako ngu siya:

Dhaniyeli 2:28 Referans Kwoze

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Amosi 4:13

Nguko ngu txona txi bumbaretelako mimango, ni kuvanga moya, txi zivisa m'thu taku ngu ahi maalakanyo a txona, txi mahako ti to mixo yi ve txidema, txi kanda txitimwi ka mafu; Mkoma, Txizimu txa Mabutho a Tiyimbi, ngu dona ditina dakwe.

Dhaniyeli 10:14

Konkuwa ni tile ku ta ku gela ti ti no humelela ka vathu vako masiku a matako, nguko txiwoniso nja masiku a matako.

Dhaniyeli 2:22

Txi wonekisa timhaka totshe ti ti ku kusisalani, txi ziva totshe ti ku txidemani, ni liwoningo li zumba ni Txizimu.

Genesisi 49:1

Jakobe a dhani vanana vakwe e va gela tiya: Tshanganani nguko ni lava ku mi gela ti ti no mi humelela ka mbimo yi yitako,

Isaya 2:2

Se ku na maheka to, ka masiku o gwitisa, mmango wa Nyumba ya Mkoma, wu vekwa txitimwi ka mimango, ni kuguleka txitimwi ka simangwana, se matiko otshe ma na tutuma me ya mmangoni.

Genesisi 41:16

Josefa a xamute ka Faro, a txi khene: “Eto kha ti nga kwangu!” Txizimu ngu txona txi no ninga Faro txhamuselo yi yi lavekako.

2 Pedro 3:3

Kukhata, mi fanete kuziva ti to ka masiku o gwitisa va na humelela vatseketseli ni sipoyilo sawe, va txi hanyisa ku ambi ti pimela, madingano ni minavelo yawe yo biha.

Matewu 6:9

“Ngu konaho, anu mi na khongelisa tiya: Tata wathu, u ku nzumani, ditina dako di na sawulwe,

Hoseya 3:5

Msana keto, vanana va ka Israyeli va na tshumela ve lava Mkoma, Txizimu txawe, ni Dhavhidha, mfumeli wawe; ka masiku o gwita va na thava Mkoma ni wumbilu wakwe.

Dhaniyeli 4:5

Se ni to lora mloro wu wu nga ni dhukisa; se maalakanyo angu ni siwoniso si to ni xanisa ni di m'bhedhuni.

Dhaniyeli 2:18

kasiku ve kombela wumbilu ka Txizimu txa nzumani, madingano ni txihunja txiya, ti to Dhaniyeli ni vangana vakwe va si loviswi kumweko ni titxhari ta Bhabhilona.

Masalmo 115:3

Aniko Txizimu txathu txi nzumani; txa maha totshe ti txi ti lavako.

Vahebheru 1:1

Txizimu, ngu sikhati so tala ni mamahelo o tala, txi wombawombile kale ka vatate vathu, ngu sisofu sa vaprofeti,

Dhaniyeli 2:47

Mfumeli a to xamula ka Dhaniyeli, a txi khene: Ngu ditshuri, Txizimu txanu, Njizimu txa sizimu, kambe Mkoma wa vafumeli, ngene m'zivisi wa sihunja, nguko u sikoti kuwonekisa txihunja txiya.

Ezekhiyele 38:16

Se u na wukela vathu vangu va ka Israyeli, kufana ni direfu, di txi fenengeta ditiko; ngu magwito ka masiku, ku na maheka taku ni txi kutisa u ta wukela ditiko dangu, kasi ku matiko ma txi na ni ziva, mbimo yi ni no va ni di sawulekisile maso ako, awe Goge.

Jeremiya 30:24

Kuhenya ko thisa ka Mkoma kha ku na mbi boxa, na asi se dinganisa mixuvo ya mbilu yakwe; mi na ti zivisisa kha kwati, ka masiku ma ku ngadi ma txita.

Dhewuteronome 31:19

Se konkuwa, ti bhaleleni ndando yiya, mi yi gondisa ka vanana va ka Israyeli, mi yi veka sisofuni kwawe, kasi ku ndando yiya yi na ni fakazela hagari ka vanana va ka Israyeli.

Dhewuteronome 4:30

Amu kukaratekani kwanu, ngako otshe makhombo awa ma txi mi humelela, ka sikhati so tala, mi na tshumelela ka Mkoma, Txizimu txako, kasi kuengisa dipswi dakwe.

2 Timoti 3:1

Kambe, ziva tiya: Ka masiku a kugwitisa ku na hoka timbimo to karata.

Ezekhiyele 38:8

Msana ka masiku o tala u na endelwa; ma di gumile malembe u nata ka ditiko dile u nga khukhiswa ka dona ngu matxhari, di nga ta kwako ngu hagari ka vathu, di txi ta mimangoni ka Israyeli, ayile yotshe mbimo yi nga mahwa sisapa; aniko ditiko dile di thavisilwe hagari ka vathu, se votshe va na zumba ngu kutsana.

Jeremiya 48:47

Aniko ni na wuyisa tikhumbi ta Mowabhi ka masiku o gwitisa, kuwomba Mkoma. Kala ahawa ngu kona kulamulwa ka Mowabhi.

Mitengo 24:14

Konkuwa koko, ani na tsula ka vakakwathu, ngono ni ta kuzivisa ati vathu vava va no maha, ka vathu vako ka masiku o gwitisa.”

Mtuletelo 1:1

Awuwa i Mtuletelo wa Jesu Kristu, awu Txizimu txi nga mninga, kasiku e kombisa ka sithumi sakwe ati ti fanelako kumaheka kunukunukuwa. Kristu a zivisile timhaka tiya ngu kurumela ngelozi yakwe ka txithumi txakwe Johani,

Genesisi 41:25

Sekoko Josefa a to khene ka Faro: “Mloro wa Faro mbumwewo dwe; ati Txizimu txi no maha, ngu tile txi nga gela Faro.”

Jeremiya 10:7

Awe Mfumeli wa matiko, i mani asi ku thaviko kani? U fanete kuthavwa, nguko hagari ka totshe titxhari ta vamatiko, ni ka mifumo yawe yotshe, lambi, khangaho wu a fananako ni nawe.

Ezekhiyele 28:3

Wona taku u txharihile kupinda Dhaniyele: Kha ku na txihunja ni txa tximwetxo txo timeleka kwako.

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 2:44

Aniko ka masiku a vafumeli vale, Txizimu txa nzumani txi na wusa mfumo wu wu no mbi dhuka wu khundumuswa; se mfumo ewo kha wu na mbi pinda wuya ka vamwani vathu, wu na balisela ni kuheta yotshe mifumo eyo, kambe wu na zumba ngu ha ku sigwitiko.

Dhaniyeli 2:45

Nga tile u nga wonisa tona taku ngu mmangoni ku witwe dirigwi, na ku si woneki dianza, ni ku dona di balisete simbi, koporo, dibumba, silivhela ni nzalama, Txizimu txa hombe txi zivisile ka mfumeli a ti ti no maheka msana keto; se mloro wuwa wu tsani, ni txhamuselo ya wona yi thembekile.