Dhaniyeli 2:26 - Bhiblia Yo Sawuleka

²⁶ Mfumeli a to wotisa Dhaniyeli (awule ditina dakwe i nga ti ti Bheltexazari) a txi khene: “Ina awe u nga sikota ku ni zivisa mloro wangu, ni txhamuselo ya wona kani?”

Dhaniyeli 2:26 Referans Kwoze

Dhaniyeli 1:7

Se mthangeli wa mithenwa a to va raya matina mamwani, i ku awa: Dhaniyeli a to mraya ditina daku i Bheltexazari, Hananiya e mraya ditina daku i Xadrake, Misayeli e mraya ditina daku i Mixake, se Azariya a to mraya ditina daku i Abhedhi-Nego.

Dhaniyeli 5:16

Ani koko, ni pfite ti taku awe wa sikota kutxhamusela ni kuthavisa kukanakana; se konkuwa, u txi sikota kugonda mibhalo yiya ni ku ni gela txhamuselo ya yona, wu na ambekwa nguwo yo bhilivila, ni liketani la nzalama mkoloni kwako, se u na va mfumeli wa wuraru amu ka mfumo wangu.

Dhaniyeli 5:12

Ngu kumaha keto ku to maneka ka Dhaniyeli moya wa wunene, wa wuzivi, wa mapimo, wo txhamusela miloro, kutxhamusela masambala, ni kuthavisa kukanakana, keyo mfumeli a nga mninga ditina daku i Bhelxazari; konkuwa koko a na dhanwe Dhaniyeli, se ene a ta ninga txhamusela.

Dhaniyeli 4:8

Aniko ngu magwito Dhaniyeli, awule ditina dakwe i Bheltexezari, a to ta masoni kwangu, i ku ditina da txizimu txangu, awule moya wa sizimu so sawuleka wu ku txitimwi kwakwe; se ani ni to xawutela mloro masoni kwakwe.

1 Samuwele 17:33

Kambe Sawule a to khene ka Dhavhidha: Khu na mbi tsula u yalwa ni Mufilista wuwa; nguko u ngadi m'dotho, kambe ene mbwamwamna wa yimbi kukhukhela wuphyani kwakwe.

Genesisi 41:15

Se Faro a wombile ka Josefa, a txi khene: Ani nive ni mloro, aniko kha ka nga maneka m'thu ni wammweyo wo sikota ku wu txhamusela.

Dhaniyeli 7:1

Ka dilembe do khata da Bhelxazari, mfumeli wa Bhabhilona, Dhaniyeli a to lora mloro, e wona ni siwoniso a di otete ha m'bhedhuni kwakwe; se koneko a to bhala mloro, e xawutela misungo ya timhaka ta kona.