Dhaniyeli 2:25 - Bhiblia Yo Sawuleka

²⁵ Sekoko Ariyoki a to kuluveta e yisa Dhaniyeli masoni ka mfumeli a txi khene kwakwe: Ni mani mmweyo hagari ka vanana va tikhumbi ta ka Judha, awu a no txhamusela mloro wa mfumeli.

Dhaniyeli 2:25 Referans Kwoze

Dhaniyeli 6:13

Sekoko va to xamula masoni ka mfumeli, va txi kha vona: Dhaniyeli i ku mmweyo wa vale va nga tiswa ngu ditikoni ka Judha, kha kuengisi, awe mfumeli, hambi txileleto txi u nga sayina; ati mahela mikombelo yakwe kuraru ngu ditshiku.

Dhaniyeli 5:13

Sekoko Dhaniyeli a to yiswa masoni ka mfumeli. Mfumeli a to womba, atxi khene ka Dhaniyeli: Ngawe Dhaniyeli, wule wa tikhumbi ta ka Judha, atile mfumeli, tate wangu, a nga wuya na to ngu Judha kani?

Dhaniyeli 1:6

Se hagari kwawe ku ti maneka, ka vanana va ka Judha, Dhaniyeli, Hananiya, Misayeli ni Azariya.

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Mavingu 24:11

Hulukisa vale va ndindelwako dawani, ngako u txi sikota ku va thavisa.

Nehemiya 7:6

Avava ngu vona vanana va ditiko, va nga huma ngu wukhumbini, vale va nga ñolwa e tsula navo Nebhukodhonosori, mfumeli wa Bhabhilona; se va to tshumela ve wuya Jerusalema, ni Judha, mmweyo ni mmweyo e tsula dihoropani kwakwe.

Genesisi 41:14

Sekoko Faro, a to ruma vathu veya dhana Josefa, va txi kha vona: Kuluveta ku mu humisa ngu mkorani. Ene a to yola maletu, e txitxa syambalo, a txi tsula masoni ka Faro.