Dhaniyeli 2:2 - Bhiblia Yo Sawuleka

² Se mfumeli a to dhana titxhari, ni vahuti, ni vanyatixolwe, ni va Vakaldheya kasiku ve ta txhamusela mfumeli, mloro wakwe; se vona va to ta tikombisa masoni ka mfumeli.

Dhaniyeli 2:2 Referans Kwoze

Dhaniyeli 1:20

Ka timhaka totshe ta wutxhari ni mapimo ka tile mfumeli a nga va wotisa, a to mana ti taku va pinda ngu ka digumi, totshe tiñanga ni titxhari tile ti nga titiho ka mfumo wakwe wotshe.

Dhaniyeli 4:6

Ani ni to veka m'thetho waku kudhanwa totshe titxhari ta Bhabhilona, kasiku ti ta ni txhamusela mloro wangu.

Eksodha 7:11

Konako Faro a to ramba titxhari ni vanyamsorwo. Se tona titxhari ta ditikoni ka Egipta ti to maha toneto ngu wutxhari wa tona.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Dhaniyeli 5:7

Mfumeli a to ruma, ngu mtamo, ti to kudhanwa tiñanga, ni Vakaldheya, ni vahuti; mfumeli a to womba ka titxhari ta Bhabhilona, a txi khene: “Awule a no gonda mibhalo yiya, e ni gela txhamuselo ya kona, a na ambekwa nguwo yo bhilivila, ni liketani la nzalama mkoloni kwakwe, se a na maha mfumeli wa wuraru amu ka mfumo wangu.”

Dhaniyeli 2:10

Vakaldheya va to xamula masoni ka mfumeli, va txi kha vona: Kha ngaho ni wammweyo ha mafuni, a nga sikotako kutxhamusela timhaka ta mfumeli; nguko kha ku ngani mfumeli ni wammweyo, nyamne mwendo mkhozisi, wolava to nga eto ka txhari yokari, tiñanga mwendo Vakaldheya.

Isaya 19:3

Se moya wa Vaegipta wu na guma mtamo mndani kwawe; ani ni na hangalasa txikungo txawe, kambe vona va na ya wotisa ka sithombe sawe, ni ka vanyamsoro, ni ka vahuti, ni ka vanyatixolo.

Isaya 8:19

Va txi mi gela va txi kha vona: Wotisani ava va ku ni mimoya ya vafi, ni vahuti vale va lengako, ni kungungurukela, mi txi khanu: Vathu kha va faneli ku wotisa Txizimu txawe kani? Ku nga wotiswa ka vafi timhaka ta va va hanyako kani?

Esteri 1:13

Sekoko mfumeli a to wotisa ka titxhari tile ti nga tiziva timbimo (nguko ti txi mahiswa toneto timhaka ta mfumeli, masoni ka votshe vale va nga tiziva mlayo ni fanelo;

Dhaniyeli 1:4

mazambi a kwa mbi na wulima ni wawumwewo, a tikhohe totshura, o tala ngu wutxhari, o txhariha amu ko gonda, va mapimo amu ka wuzivi, a ma sikotako kumaha mithumo ya nyumbani ka mfumeli, ve gondiswa kubhala ni kuwombawomba lidimi la Vakaldheya.

Dhaniyeli 2:27

Dhaniyeli a to xamula masoni ka mfumeli, a txi khene: Txihunja txi mfumeli a txi lavako, kha ku na titxhari, mwendo vahuti, hambi tiñanga, va nga sikotako kutxhamusela ka mfumeli.

Dhaniyeli 3:8

Se ka mbimo yoneyo, ku to tshuketa vavamna vokari va Vakaldheya ve ta mangalela Vajudha.

1 Samuwele 6:2

Vafilista va to dhana vaphaxeli ni tiñanga, va txi kha vona: Hi na maha txani athu ngu dibhokiso da Mkoma kani? Hi geleni ti hi no di tshumetisa tona di txiya ka wukhalo wa dona.

Dhaniyeli 4:3

Sikombiso sakwe nza hombe, ni sidiwukiso sakwe nza hombe ngutu ta tinene! Mfumo wakwe kha wu na mbi guma, ni kufuma kwakwe nga liveleko ni liveleko.