Dhaniyeli 2:18 - Bhiblia Yo Sawuleka

¹⁸ kasiku ve kombela wumbilu ka Txizimu txa nzumani, madingano ni txihunja txiya, ti to Dhaniyeli ni vangana vakwe va si loviswi kumweko ni titxhari ta Bhabhilona.

Dhaniyeli 2:18 Referans Kwoze

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Matewu 18:19

Na mi gela kambe tito, ngako vambidi kwanu va txi tumelelana ahawa mafuni, va txi kombela txo maha, va na ningwa ngu Tate wangu a ku nzumani.

Matewu 18:12

Se mi khanu txani kani? Ngako m'thu a di ni 100 da tinvuta, se yimweyo ya tona yi txi mwalala, ina kha siyi ti ta mtxhanu ni mune wa magumi, ni mtxhanu wa tinvuta ni mune, mimangoni, e tsimbila e lava yi yi nga mwalala kani?”

Masalmo 91:15

Ene a na ni dhana, se ani ni na mxamula; ngako a di kuxanisekani, ni na va kumweko nayo; ni na m'hulukisa, ni mpfalisa.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

Malakiya 3:18

Sekoko mi na wona kambe kuhambana ka wo lulama ni wo biha, hagari ka wule a thumelako Txizimu, ni wule asi txi thumeliko.

Isaya 37:4

Ina Mkoma, Txizimu txako, a ngava a di ma pfite mapswi a Rabhisake, wule a nga rumwa ngu nyamne wakwe, i ku mfumeli wa Asiriya, ku ta sola Txizimu txa kuhanya, ni ku ta txhipisa ngu mapswi awa Mkoma, Txizimu txako, a nga ma engisa; khongelela sotshe sile si nga sala.”

1 Samuwele 17:37

A to khene kambe Dhavhidha: Mkoma a ni hulukisile manzani ka ngonyamo ni ka ursu; ene a na ni hulukisa manzani ka Mufilista wuwa. Sekoko Sawule a to khene ka Dhavhidha: Tsula, Mkoma a nave ni nawe!

Genesisi 18:28

Ngako ku txi pwateka mtxhanu wa vathu ka vale va mtxhanu wa magumi vo lulama, ina u nga lovisa dotshe didhoropa ngu mhaka ya vale va mtxhanu va pwatekako kani?” Mkoma a to xamula, a txi khene: “Ahim-him, kha ni na mbi va lovisa, ngako ni txi mana mune wa magumi ni mtxhanu wa vathu vo lulama.”

2 Pedro 2:9

Atiya ti womba ti to Mkoma wa sikota kuponisa vathu va wukhongeli ni kuveketa ava vo biha kasi ve ta tsayiswa ngu ditshiku do lamulwa;

Varoma 15:30

Se na mi kombela, vanathu, ngu Mkoma wathu Jesu Kristu, ni lirando la Moya, ti to mi lwa kumweko ni nani ngu mikombelo yi mi yi yisako ka Txizimu, mi txi kombelela ani,

Mithumo 12:4

Ngako a di mu ñote e mu beta mkorani, a to mningela e woneletwa ngu mune wa mitxawa, ayiya wumwewo ni wumwewo ka yona wu nga ti ni mune wa masotxhwa. A ti navela ku mu humisa masoni ka vathu, ngako Pasika yi di pindile.

Dhaniyeli 3:17

Wona taku Txizimu txathu, a txi athu hi txi thumelako, ngu txona txi no hi hulukisa; txona txi na hi hulukisa txikhoni ka mndilo wu wu turako ngutu, ni manzani kwako, awe mfumeli.

Ezekhiyele 36:37

Mkoma Txizimu a khene: Kambe ngu mhaka ya tona eto, nyumba ya ka Israyeli yi na ni kombela, ati to ni txi yi mahela: Kuandisa vathu va yona, kufana ni mtxhambi.

Dhaniyeli 2:23

Awe Txizimu txa vatate vangu, na kudhumisa ni ku kubonga, nguko u ni ningile wutxhari ni mtamo; kambe konkuwa, u ni zivisile a ti hi nga kukombelo, ngu ku hi maha hi ziva mhaka yiya ya mfumeli.

Dhaniyeli 4:26

Se ngu ka tile ti nga wombwa, taku leka txitsha ni mitwi ya txona, mfumo wako wu na tshumelela kwako, msana ka kuva u di ti zivile taku nzuma ya fuma.

Jona 1:9

Se ene a to va gela a txi khene: Ani ni Muhebheru, ni thava Mkoma, Txizimu txa nzumani, awu a nga maha linene ni mafu a kuoma.

Masalmo 136:26

Dhumisani Txizimu txa tinzuma; nguko lirando lakwe nda kala kupinduka!