Dhaniyeli 2:11 - Bhiblia Yo Sawuleka

¹¹ Nguko a ti mfumeli a ti lavako ta karata, kambe kha ngaho ni wammweyo a sikotako kuwomba ka mfumeli, hahanze ka sizimu sile si si zumbiko hagari ka vathu.

Dhaniyeli 2:11 Referans Kwoze

Dhaniyeli 5:11

Mfumoni kwako ku ni wamwamna wokari, a ku ni moya wa sizimu so sawuleka; eyo ka masiku a tate wako ku manekile kwakwe liwoningo, mapimo, ni wutxhari wo fana ni wutxhari wa sizimu. Se mfumeli Nebhukodhonosori, tate wako, ina, tate wako, awe mfumeli, a to m'veka kuva mthangeli wa titxhari, tiñanga, Vakaldheya ni vahuti.

2 Vakorinto 6:16

Ngu sengela muni ku kuho hagari ka dithepele da Txizimu ni sithombe sa sizimu sa makuhu kani? Nguko athu hi dithepele da Txizimu txi txi hanyako kota nga ti Txizimu txi nga kha txona: “Ni na zumba navo ni txi tsimbila hagari kwawe; ani ni na va Txizimu txawe; vona va na va i di vathu vangu.”

Johani 14:23

Jesu a to mu xamula, a txi khene: “Ngako m'thu a txi ni randa, a na vekisa dipswi dangu. Tate wangu a na mu randa, se hi nata kwakwe, hi ta maha wugovelo wathu.

Johani 14:17

i ku Moya wa ditshuri, awu ditiko di si sikotiko ku wu amukela, nguko kha di wu woni, kambe kha di wu zivi. Anu ma wu ziva, nguko wu zumba ni nanu, kambe wu mndani kwanu.”

Johani 1:14

Dipswi di ti mahile m'thu, e aka hagari kwathu; hi wu woni wudhumo wakwe, wudhumo wu Tate a nga ninga Mwanana wakwe wa Mmweyo ekha, wo tala ngu makatekwa ni ditshuri.

Matewu 19:26

Jesu a to va wonisisa, a txi khene kwawe: “Ka vathu eto kha ti koteki, aniko ka Txizimu totshe ta koteka.”

Isaya 57:15

Nguko a womba tona eto Nyatxitimwi, wa Kuthaviseka, a zumbako kupindukani, eyo ditina dakwe i ku Kusawuleka: Ni zumba ka wukhalo wo guleka ni kusawuleka, kumweko ni kuxaniseka, ni kukarateka moyani, kasi kuwusa moya wa vale vo karateka, ni kuwusa timbilu ta vaxaniseki.

Eksodha 29:45

Ni na va ni txi aka hagari ka vanana va ka Israyeli kambe ni na va ni di Txizimu txawe.

Genesisi 41:39

Msana keto, Faro a to khene ka Josefa: Ngako Txizimu txi nga ku tuletela totsheto, kha nga ho mmwani a ku ni mapimo ni wutxhari wo nga awe.

Mtuletelo 21:3

Se ni engisile kambe dimwani dipswi da hombe di nga pfala di txi khukhela ka txikhalo txa wukoma, di txi kha dona: “Ndide ditenda da Txizimu di ku hagari ka vathu! Txona txi na aka hagari kwawe, vona va na va i di vathu va txona; se txona Txizimu txipune txi na va txi di navo, txi maha Txizimu txawe.

Joyeli 3:21

Se ni na sawulekisa mnoha wa va ni nga sa va sawulekisa: Nguko Mkoma a na zumba Siyoni.

Isaya 8:18

Ngani wuwa, ni vanana va Mkoma a nga ni ninga, kuva sikombiso, ni sixamaliso, kona Israyeli, ngu didhawa da Mkoma wa Mabutho a Tiyimbi, awu a zumbako mmangoni ka Siyoni.

Masalmo 132:14

“A hawa i m'tini kwangu kala kupinduka; ni na zumba kona nguko na kutsakela.

Masalmo 68:18

Awe u kwete txitimwi u tsulisile khumbi wukhumbini, u amukete nduwo ka vathu; hambi ni vaeyisi va khozile kwako, Mkoma!

2 Makronika 6:18

Ina ngu ditshuri Txizimu txi ndi na zumba ni vathu ha mafuni kani? Wona taku tinzuma kala ka nzuma ya tinzuma nga ti si sikoti ku u enela ka tona, se ngutu-ngutu nyumba yiya ni nga yi aka.

1 Vafumeli 8:27

I na ngu ditshuri txi ndi na zumba Txizimu ha mafuni kani? Wona taku tinzuma kala ka nzuma ya tinzuma kha ti sikoti ku u enela ka tona, se ngutu-ngutu nyumba yiya ni nga yi aka.

Mitengo 35:34

Mi nga nyenyeziseni koko, ditiko di mi zumbako ka dona, adi ni no zumba ka dona; nguko ani Mkoma, ni zumba hagari ka vanana va ka Israyeli.

Eksodha 8:19

Sekoko tiñanga ti to kha tona ka Faro: “Aliya litiho la Txizimu!” Hambi keto, mbilu ya Faro yi simamile yi txi banga, ngu mhaka yeto kha va engisa, nga ti Mkoma a nga ti wombile.

Genesisi 41:8

Se ku to maheka taku, ni mixo, mbilu ya Faro yi maneka yi di ha kukaratekani ka hombe, se e dhana votshe vanyamsoro ni vanyatixolo va ditiko da Egipta, e va xawutela miloro yi a nga va nayo, aniko ni wammweyo kha sikota ku yi txhamusela.

Isaya 47:12

Zumba ni sixamaliso sako, ni mtalo wa wuloyi, wule u nga thuma ka wona kukhukhela wuphyani wako, mwendo u nga thuka u mana kuhumelela, ni ti to mwendo u nga dhuka u mana kutsana.

Dhaniyeli 4:4

“Ani, Nebhukodhonosori ni ti zumbisekile amu nyumbani kwangu, ni tsaka nyumbani kwangu ka wukoma.”