Dhaniyeli 12:13 - Bhiblia Yo Sawuleka

¹³ Awe koko, Dhaniyeli, tsanisela kala magwito; nguko u na humula kambe u na zumba ka dikato dako, ngu magwito ka masiku.

Dhaniyeli 12:13 Referans Kwoze

Mtuletelo 14:13

Konako ni to engisa dipswi da kuta ngu nzumani, di txi kha dona: “Bhala u txi khawe: Va katekile vafi vava, kukhukhela konkuwa va felako ka Mkoma. Ina, kuwomba Moya, va na humula ka mikaralo yawe, nguko mithumo yawe ya va heleketa.”

2 Vakorinto 5:1

Athu hotshethu, ha tiziva ti to mbimo yi wu no hasulwa mdhute wuwa hi hanyako ka wona ahawa ha mafuni, hi ni nyumba nzumani, yo akwa ngu manza a Txizimu, nyumba yo tsana ko mbi na magwito, ayi yi nga mbi mahwa ngu manza a m'thu.

Zakariya 3:7

A womba tiya Mkoma wa Mabutho a Tiyimbi: U txi tsimbila ngu tinzila tangu, u xayisa sileleto sangu, ngawe u no lamula nyumba yangu, ni kuxayisa mitendela yangu, ni na kuninga wukhalo hagari ka awa ma kuho hawa.

Dhaniyeli 12:3

Titxhari koko ti na phatima kufana ni kuphatima ka mzuma; ni vale va kombako vathu nzila ya kululama va na woninga ku nga tinyeleti, mbimo yotshe ni ha ku si gwitiko.

Matewu 19:28

Jesu a to xamula a txi khene: “Kha ditshuri na mi gela ku khani: Ka mbimo ya kuwusetwa ka wuphya wa sotshe, ditshiku diya Mwanana wa M'thu a nota khalahatsha ha txikhaloni kwakwe ka wukoma wa kupfaliswa, na nanu, mi nga ni londisa, mi nata khalahatsha ka digumi da sikhalo sa wukoma ni simbidi, mi txi lamula tihunzu ta digumi ni timbidi ta ka Israyeli.

Luka 21:36

Khutalani na mi txi khongela txotshe txikhati, kasiku mi va ni mtamo wa kuhuluka ka totshe ti ti no humelela, ni kuema mi di tsani masoni ka Mwanana wa M'thu.”

Masalmo 16:5

Mkoma, awe u txyavelo txangu, digombe di di ni lumbako; wutomi wangu wu manzani kwako.

2 Vatesalonika 1:7

Kasiku anu mi xaniswako, mi txi ningwa kuhumula ni nathu ditshiku di Mkoma Jesu a nota woneka, a txi ta ngu nzumani kumweko ni tingelozi ta mtamo wakwe,

Masalmo 1:5

Ngu kumaha keto, vabihi kha va na mbi sikota kuhuluka, ka ditshiku da kulamulwa, ni vaonhi, kha va na mbi amukelwa msengeletanoni ka valulami.

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Eksodha 33:14

Mkoma a wombile a txi khene: “Ani ngu wutumbu wangu ni na kupangalata ni na kuhumuta.”

Masalmo 16:9

Ngu kumaha keto, mbilu yangu ya tsaka, ni moya wangu wa nengela ni mmidi wangu wu na humula ngu kudikha.