Dhaniyeli 11:40 - Bhiblia Yo Sawuleka

⁴⁰ Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.

Dhaniyeli 11:40 Referans Kwoze

Dhaniyeli 11:35

Vokari ka titxhari va na wa ve dukwa, ni kusawulekiswa, ve basa, kala magwito ka mbimo, nguko i nava i di ngadi mbimo ya kona.

Dhaniyeli 11:10

Aniko vanana vakwe va na lwa, va na sengeleta mtengo wa hombe wa mabutho; se mmweyo wawe a nata ngu kukuluveta e ta fenengeta e pinda; se a txi wuya a na teka yimbi kala mkhokholani kwakwe.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Mtuletelo 16:12

Ngelozi ya wutxhanu ni yimweyo yi to theketa digombe da yona txitimwi ka mnambo wa hombe wa Ewufrate, se mati a mnambo ma to phwa me tulela nzila vakoma va Wutxani.

Zakariya 9:14

Mkoma a na wonwa txitimwi kwawe, tingove takwe ti na huma kufana ni nyangafula; Mkoma Txizimu a na pfalisa mpundu, kambe a na tsimbila ni sihuhuri sa Wulambe.

Dhaniyeli 12:4

Se awe, Dhaniyeli, vhala mapswi awa, u lema dibhuku diya, kala ka mbimo yo gwita; votala va na tutuma-tutuma va txiya kheya ni kheya, kambe wutxhari u na anda.

Ezekhiyele 38:4

Se ni na ku horolokisela, kambe ni na vekela simemba titshayani kwako, ni txi kuteka awe ni dotshe dibutho dako da yimbi, mahantxhi ni vagadhi va ona, votshe va di ambate sa yimbi, msengeletano wa hombe, na wu di ni sitxhavangu, votshe va na xoma matxhari;

Jeremiya 4:13

“Mlala a nata nga direfu, ni sikotxikani sakwe si nga txihuhuri; mahantxhi akwe ma na kuluveta kupinda magama. Dikhombo kwathu, nguko hi lovile.”

Isaya 21:1

Mahungu a txiwula txa linene. Kufana ni sihuhuri sa Wulambwe, si wisetela sotshe, a nata ngu txiwulani, ka ditiko do thisa.

Mtuletelo 9:16

Mtengo wa mtxawa wa vagadhi va mahantxhi i ti 200.000.000, ni wu engisile ta tinene mtengo wa kona.

Dhaniyeli 11:22

Se ngu mawoko amangi, va na thaviswa masoni kwakwe; kambe va na fuviswa kufana ni mthangeli wa txitumelelano.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.

Isaya 66:15

Nguko wonani taku Mkoma a nata ngu mndilo; se sikotxikani sakwe nga singulu, kasi kuhundulusa kuhenya kwakwe kumaha txiviti, ni kukawuka kwakwe ku na fana ni midhikila ya mndilo.

Dhaniyeli 11:7

Kambe kuthunga ka mitwi yakwe, ku na wuswa mmweyo ka wukhalo wakwe, se a nata ni dibutho, e ta wulela mikhokholani ka mfumeli wa Wuphemba, e lwa navo, a txi va xula.

Dhaniyeli 11:11

Sekoko mfumeli wa Wulambwe a na henya, e huma ku yalwa ni mfumeli wa Wuphemba; ene a na tshanganisa dibutho da hombe, se vathu vale va na ningelwa manzani kwakwe.

Dhaniyeli 11:13

Nguko mfumeli wa Wulambwe a na tshumela e sengeleta dibutho da hombe kupinda dile do khata; se msana ka mbimo i ku malembe okari, a nata ngu kukuluveta ni dibutho da hombe da yimbi ni thundu yayingi.

Dhaniyeli 11:25

Se a na wusa mtamo wakwe ni mbilu yo wukela mfumeli wa Wulambwe, ngu dibutho da hombe, se mfumeli wa Wulambwe a na lwa yimbi ni dibutho da hombe ta mtamo ngutu; aniko kha na mbi timisela, nguko va na maha makungo o muwukela.

Dhaniyeli 11:39

A na lwela mikhokhola yakwe ngu kuvhunetwa ngu vathu vale va khozelako txizimu txa vamatiko; ka vale va ti ningetetelako kwakwe, a na va engetela wudhundo, e va fumisa txitimwi ka votala, ni ku va abanisela ditiko ngu male.

Dhaniyeli 12:9

Se ene a to khene: Tsula Dhaniyeli, nguko mapswi awa mavhatwe ni kulemwa kala ka mbimo yo gwita.

Habhakuki 3:14

Awe u tute msungo wa mthangeli wa yimbi ngu mitxheketelo yako; vona va ni wukete nga txihuhuri ku ta ni hangalasa; va ti ti giyela ku nga va txo lava kumita txisiwana ku sisakalani.

Ezekhiyele 38:9

Sekoko u na kwelela, u txi ta ni txihuhuri, u na nga direfu, kasi kufenengeta mafu, awe ni otshe masotxhwa ako, u di ni vathu votala.