Dhaniyeli 11:37 - Bhiblia Yo Sawuleka

³⁷ Kha na mbi thava sizimu sa vatate vakwe, hambi kuxonipha lirando la vavasikati, mwendo ka txizimu txokari, nguko a na tikulisa txitimwi ka sotshe.

Dhaniyeli 11:37 Referans Kwoze

2 Vatesalonika 2:4

awu a kanetako ni kutiguleta txitimwi ka sotshe si si dhanwako ku i Txizimu, ni si si khozelwako, e za eya khalahatsha ngu wutumbu Dithepeleni ka Txizimu, a txi ti womba ku ene i Txizimu.

Isaya 14:13

Nguko u ti ti khawe mbiluni kwako: Ni na kwela ni txiya nzumani, na guleta txikhalo txangu txa wukoma, txitimwi ka tinyeleti ta Txizimu.

1 Timoti 4:3

Vona va na tsimbisa kutekana; va na tsimbisa kudya sakudya sokari na kasi Txizimu ngu txona txi nga si va nga kufela ku si txi amukelwa ngu kubonga ngu va va kholwako ni kuziva ditshuri.

Ezekhiyele 24:16

Awe mwanana wa m'thu, wona taku ni na thavisa kunavela ka maso ako ngu ku kupeka, aniko khu na mbi pandiseka, kambe khu na mbi dila, hambi kuwa mirongo yako.

Ndando ya Tindando 7:10

Ani ni wa txirandwa txangu, ni txona txa ni navela.

Dhewuteronome 21:11

se ngako u txi thuka u wona wamsikati wo tshura hagari ka tikhumbi, u mnavela, u txi lava ku mteka e maha msikati wako,

Dhewuteronome 5:21

U nga navele msikati wa muakelani wako, kambe u nga navele nyumba ya muakelani wako, hambi thembwe yakwe, hambi khumbi yakwe ya wamwamna mwendo ya wamsikati, hambi homu yakwe, ni mbongola yakwe, hambi ni txihi tximaha txi lumbako muakelani wako.”

Genesisi 3:16

Se ka wamsikati, Txizimu txi ti kha txona: “Ni na engetela kuxupheka kwako, ngako u di ni txirumbu, vanana vako va na velekwa hagari ka kupanda. Kunavela kwako ku na kuyisa ka mwamna wako, aniko ene a na kufuma.”

Genesisi 3:5

“Nguko Txizimu txa tiziva tito, ka ditshiku di mi no dya, mi na tuleka maso, mi fana ni Txizimu, mi ziva ta tinene ni to biha.”

Dhaniyeli 8:11

Se li li to ti tikulisa kala ka mthangeli wa dibutho; li mu tekela mphaxo wo hiswa wa ditshiku ni ditshiku, li wisa hahatshi wukhalo wakwe wo sawuleka.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 11:38

Aniko ka wukhalo wa txona a na khozela txizimu txa mikhokhola, a na khozela ngu nzalama txizimu txi txi nga mbi ziwa ngu vatate vakwe, ni silivhela, ni marigwi a lisima, ni siya sa lisima.

Isaya 14:14

Ni na kwela txitimwi ka marefu, kambe ni na fana ni Nyatxitimwi.

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;