Dhaniyeli 11:34 - Bhiblia Yo Sawuleka

³⁴ Se ngako va txi wa va na mana kuvhunwa ka kudotho, aniko votala va na patana navo ngu wukanganyisi.

Dhaniyeli 11:34 Referans Kwoze

Varoma 16:18

Nguko ava vo ngeto kha va thumeli Mkoma wathu Jesu Kristu, kambe va thumela masusu awe dwe; va hambukisa timbilu ta va vo divala ngu mapswi o tshamba ni kukanganyisa.

Matewu 7:15

“Ti woneleni ka vaprofeti va makuhu, va tako kwanu va di ambate madhowo a tinvuta, kasi timbiluni kwawe maxolwa ma vhandamulako.

1 Johani 4:1

Vorandeka, mi nga kholweni ka yotshe mimoya, aniko, wonisisani mimoya kasi kuziva ti to mwendo nja Txizimu, nguko mbavangi vaprofeti va makuhu va nga hangalaka ni ditiko.

Mtuletelo 12:13

Mbimo yi a nga wona ti to a tovetwe, mwamilambo a to khata kulondisela awule wamsikati, a nga ti velekile mwanana wa m'zambi.

Mtuletelo 2:20

Aniko nina ni txisolo ni nawe, nguko wa leka Jezabheli, msikati wu a ti mahako mprofeti, awu a gondisako ni kutimeta vakhozeli vangu kuve ve maha wugango, ve dya tinyama ta timhamba ta sikwembu sa walo.

Judha 1:4

Nguku ku txholovete vathu vokari hagari kwathu, ava ku nga bhalwa ngu kale ti to va na abaniswa, vathu va kwa mbi thava Txizimu, va hindulako kateko ya Txizimu txathu, ve yi maha txivhikelo txa wubhemba wawe, ve lamba kukholwa ka wu i ku ene ekha M'gondisi ni Mkoma wathu, Jesu Kristu.

2 Johani 1:7

Nguko va hangalakile ni ditiko vaxengeteli vavangi, ava va si fakaziko ti to Jesu Kristu a tile ngu didhawa da nyama. M'thu wo ngeto, ngene mxengeteli ni mkaneti wa Kristu.

1 Johani 4:5

Vona mba ha ditikoni, ngu toneto va womba-womba ngu ta ha mafuni, se mafu ma va engisa.

Titosi 1:11

avava va fanelako kumalatwa, nguko va timeta timwaya ni votshe vathu va tona; seni kambe, ngu kulava dibhindu do mbina fanelo, va gondisa ati va si faneliko kugondisa,

2 Timoti 4:3

Nguko yi nata mbimo yi vathu va no mbi dhunda kuengisa gondo ya yinene, aniko, madingano ni mixuvo yawe ni kulava kutsakisa tinzeve tawe, ti nyakatelwako, va na ti lavela mtengo wa vagondisi.

Vagalatiya 2:4

mhaka yiya yi wusilwe ngu va va ti wombako ku mbanathu, na kasi makuhu; evo va ti ko txholovela hagari kwathu ngu kukanganyisa, kasi kumbwingamela kuwona wuthuseki wathu, awu wu tako ngu ka Kristu Jesu, kufela kuve tshumela ve hi wuleta wukhumbini.

Dhaniyeli 11:21

Msana keto, ku na emiswa ka wukhalo wakwe wamwamna wo soleka, wa kuva a nga mbi ningwa madingano a wukoma; se a na humelela a di malate, e ta teka mfumo ngu wurindi.

Dhaniyeli 11:32

Se ka va wukeli va txitumelelano ene, ngu wukanganyisi wakwe a na va xenga, aniko vathu va vazivako Txizimu txawe va na tsana, ve lwa naso.