Dhaniyeli 11:3 - Bhiblia Yo Sawuleka

³ Ngu msana, ku na humelela mfumeli wa ndena, wu a no fumela ngu mtamo wa hombe, na a txi maha kuranda kwakwe.

Dhaniyeli 11:3 Referans Kwoze

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 11:16

Sekoko awule a nota ku ta mu wukela a na maha madingano ni kuranda kwakwe, kha ku na wu a no ema masoni kwakwe; se a na maneka ka ditiko do dhundeka, a na lovisa ngu dianza dakwe.

Dhaniyeli 8:21

Aniko mabhongwe wa matoya ngutu i mfumeli wa Gresiya; se litxheho la hombe li li ku hagari ka maso akwe, mfumeli wo khata;

Dhaniyeli 7:6

Msana keto, ni to simama ni wonetela, ni wona tximwani txihari txo fana ni yingwe, txi di ni mune wa tibhapi ta sinyana makatani ka txona; kambe txi ti ti ni mune wa misungo, se txi to ningwa kufuma.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Vahebheru 2:4

ku txi fakazelwa kambe ngu Txizimu, ngu sikombiso ni sixamaliso, ngu sidiwukiso sa totshe tixaka ni siningo sa Moya wo Sawuleka, asi si phakelwako madingano ni kuranda ka txona.

Vaefesu 1:11

Ngu ngene Kristu kambe, Txizimu nathu txi hi mahile vadyi va thomba ya Txona, nga ti txi nga ti wonisa tona txona txi kotako totshe ngu mtamo wa kuranda ka txona,

Dhaniyeli 4:35

Se votshe vaaki va ha mafuni hi nga va txilo masoni kwakwe, se madingano ni kuranda kwakwe, ene a thuma ni dibutho da nzumani ni vaaki va ha mafuni. Kha ngaho wu a nga tsivelako dianza dakwe, hambi ku wotisa taku: U maha txani kani?