Dhaniyeli 11:27 - Bhiblia Yo Sawuleka

²⁷ Kambe vafumelivo vavambidi va na va ni mbilu yo maha kubiha, ni kuwomba makuhu; ene koko kha na mbi kula, nguko magwito ma na zivaneka ngu mbimo ya kona.

Dhaniyeli 11:27 Referans Kwoze

Masalmo 12:2

Mmwani a womba makuhu ka mmwani; va womba-womba ngu kukanganyisa, ni timbilu timbidi.

Habhakuki 2:3

Nguko txiwoniso njo dingana mbimo yokari, se kala magwito txi na womba-womba, kha txi na mbi hemba; ngako txiwoniso txi txi swela, txi verele, nguko kha ditshuri txi nata, kha txi na mbi swela.

Dhaniyeli 11:35

Vokari ka titxhari va na wa ve dukwa, ni kusawulekiswa, ve basa, kala magwito ka mbimo, nguko i nava i di ngadi mbimo ya kona.

Masalmo 64:6

ti to ni wammweyo kha na mbi tumbula wubihi wawe. Aniko awule a zivako hambi ni mipimiso ya hakhana ni minavelo yo sisala, a na tumbula totshe.

Dhaniyeli 11:40

Se ngu magwito ka mbimo, mfumeli wa Wulambwe a na lwa nayo, kambe mfumeli wa Wuphemba a na mtutumisa ngu sikotxikani, ni vagadhi va mahantxhi, ni sitimela so tala; se a na wulela ka matiko a txi ma fenengeta e pinda.

Dhaniyeli 8:19

Se a to khene: Wona, ni na kuzivisa ti ti no humelela magwito ka mbimo ya kuhenya; nguko txiwoniso txi na tatiseka ngu mbimo yo emiselwa ya magwito.

Mavingu 26:23

Txisofu txo hinda, ni mbilu yo biha, si fana ni txikandyana txo nameketelwa silivhela.

Mavingu 12:20

Wukanganyisi wu mbiluni ka vale va pimiselako to biha, aniko avale va navelelako kuthutha va ni litsako.

Masalmo 58:2

Aniko, mi luka makuhu mbiluni, mi wusa mazunga ha ditikoni ngu manza anu.

Masalmo 52:1

Ngu kutxani u txi ti guleta mu kubihani kwako, kani? Lirando la Txizimu kha li gumi!

1 Vatesalonika 5:1

Ngu didhawa da mhaka ya masiku ni sikhati sa kona, vanathu, kha kulaveki ti to hi mi bhalela txilo ka tona.

Mithumo 17:31

Nguko Txizimu txi vekile ditshiku di txi no lamula mafu ngu dona, ngu malamulelo o lulama, ngu m'thu wu txi nga ti sawulela ene, txi tsanisa mhaka yiya ka votshe ngu ku mu wusa ka vakufa.”

Mithumo 1:7

Ene a to va xamula, a txi khene: “Kha ti lumbi anu kuziva sikhati mwendo timbimo ti ene Tate a nga ti emisela ngu wuhombe wakwe.

Dhaniyeli 11:29

Ka mbimo ya kona, a na tshumela e ta wukela va Wulambwe; kambe txikhati txiya kha txi na mbi fana ni txo khata.

Dhaniyeli 10:1

Ka dilembe da wuraru da kufuma ka Siro, mfumeli wa Persiya, dipswi di to ziviswa ka Dhaniyeli, awule a dhanwako ngu ditina daku i Bhelixazari; aniko dipswi ndinene, di kombisa yimbi ya hombe, se ene a to pfisisa dipswi diya, se e mana kupfisisisa txiwoniso.

Ezekhiyele 17:9

Womba u txi khawe: Mkoma Txizimu a khene: Ina wu na humelela kani? Ina kha na mbi dula ngu mikoloti, a txi wila mihando ya kona, kasi ku wu txi oma kani? Wu na oma ka otshe madhavi a wona; na i si nga ngu mhaka ya diwoko da hombe, hambi ngu mhaka ya vathu votala, wu na dulwa ngu mu ka mikoloti ya kona.

Mavingu 19:21

Mbiluni ka m'thu ku ni timhaka tatingi, aniko txileleto txa Mkoma txi na zumba yotshe mbimo.

Masalmo 62:9

Kha ditshuri, vathu va hahatshi mbukanganyisi, se vathu va dihanyo do guleka mba makuhu; va txi vekwa votshe ha txikaloni, kha va nemeli kupinda wukanganyisi.

2 Samuwele 13:26

Sekoko Abhisalome a to khene: Ngako u txi tandeka, leka Aminoni, mwanathu, e tsula ni nathu. Kambe mfumeli a to m'gela ku khene: A na tsulela txani ni nawe kani?

Dhaniyeli 11:28

Sekoko a na tshumelela ditikoni kwakwe ni thomba yayingi, se mbilu yakwe yi na wukela txitumelelano txo sawuleka; kambe a na maha ti a no ti lava, aniko e tshumelela ditikoni kwakwe.

Dhaniyeli 8:17

Aniko a to ta hafuhi ni ha ni nga ti kona, se a txi ngadi a txi ta ni to wa ngu khohe yangu ngu kuthava; kambe ene a to khene kwangu: Pfisisa awe mwanana wa m'thu, nguko txiwoniso txiya txi na tatiseka ngu mbimo yo gwita.