Dhaniyeli 11:21 - Bhiblia Yo Sawuleka

²¹ Msana keto, ku na emiswa ka wukhalo wakwe wamwamna wo soleka, wa kuva a nga mbi ningwa madingano a wukoma; se a na humelela a di malate, e ta teka mfumo ngu wurindi.

Dhaniyeli 11:21 Referans Kwoze

Dhaniyeli 11:34

Se ngako va txi wa va na mana kuvhunwa ka kudotho, aniko votala va na patana navo ngu wukanganyisi.

Dhaniyeli 8:25

Se ngu wuzivi wakwe kambe, a na humelelisa wukanganyisi manza kwakwe, se mbiluni kwakwe a na tikulisa, ngu mhaka ya kuthutha a na lovisa votala e wukela mthangeli wa vathangeli, kambe a na funywa na i si nga ngu diwoko da m'thu.

Masalmo 55:21

Va womba-womba mapswi o swililika kupinda bhotela, aniko mipimiso yawe nja yimbi; va womba-womba mapswi o tshamba kupinda mtona, kasi ona matxhari o lotwa.

Nahume 1:14

Mkoma a vekile mlayo wa ku kuwukela, waku ku si maneki ni wammweyo wo dhanwa ngu ditina dako; kukhukhela nyumbani ka txizimu txako, ni na fuvisa sithombe so vatwa ni sa kunyekiswa; koneho ni na maha kona dithitha dako, nguko u txhipile.

Dhaniyeli 11:32

Se ka va wukeli va txitumelelano ene, ngu wukanganyisi wakwe a na va xenga, aniko vathu va vazivako Txizimu txawe va na tsana, ve lwa naso.

Dhaniyeli 11:20

Se ka wukhalo wakwe, ku na vekwa mmwani wu a no tsimbitisa msengisi ngu wudhundo wa mfumo; aniko mndani ka masiku amadotho a na loviswa, kambe keto ku si ngani txiviti, ku si na kulwa.

Dhaniyeli 11:7

Kambe kuthunga ka mitwi yakwe, ku na wuswa mmweyo ka wukhalo wakwe, se a nata ni dibutho, e ta wulela mikhokholani ka mfumeli wa Wuphemba, e lwa navo, a txi va xula.

Dhaniyeli 8:23

Kambe magwito ka kufuma kwakwe, mbimo yi vaonhi va no heta kufuma, ku na huma mfumeli wa khohe yo thisa, wa wutxhari wo ziva ngutu kutxhamusela sihunja.

Dhaniyeli 8:9

Se ka limwelo la tona ku to mila txitxhehwana, txi kula ngutu, txi rendekela wulambwe, ni wutxani, ni ditikoni ko tshura.

Dhaniyeli 7:8

Se ni txi nga di ni wonetela titxheho eto, ni to wona limwani la lidotho li txi huma ngu hagari ka timwani, masoni ka tile tiraru to khata di nga dulwa; se ka litxheho e lo ku ti ni maso o fana niya m'thu, ni txisofu txi nga ti womba-womba mapswi o guleka ngutu.

Isaya 32:5

Txiphukuphuku kha txi na mbi ngadi txi dhanwa taku nja lisima; hambi wa wutona kha na mbi dhanwa taku mbwo hana.

Masalmo 15:4

awule a solako ava vo biha, aniko a txi dhunda avale va thavako Mkoma; awule a mahako ti a nga thembisa, hambi ene a txi luzekelwa;

Masalmo 12:8

Vabihi va rendelekela ka otshe makhalo, na wubihi wu txi dhumiswa ngu vathu va ha mafuni.

1 Samuwele 3:13

Nguko ani se ni m'zivisile taku, ni na lamula nyumba yakwe kala kupinduka, ngu mhaka ya sionho si ene asi zivako. Nguko mbimo yi vanana vakwe va nga maha mhaka yo nyenyeza, kha va kawuka.

Dhaniyeli 4:17

Kulamula kuwa kuyelana ni mthetho wa vawoneleli, se kuruma kuwa ngu kule ka mlayo wa vasawuleki; Kasiku va va hanyako ve ziva ti taku Nyatxitimwi wa fuma txitimwi ka mifumo ya vathu, kambe wa ninga ni wuhi a mrandako, kala ka m'thu wa hahatshi ngutu.