Dhaniyeli 11:18 - Bhiblia Yo Sawuleka

¹⁸ Msana keto, a na hundulukela sitondoloni, e teka so tala sa kona; kambe mthangeli wokari a na heta txiruko txakwe, a na tshumeta txiruko txitimwi kwakwe.

Dhaniyeli 11:18 Referans Kwoze

Hoseya 12:14

Efrayime a wusile ngutu kuhenya kwakwe; ngu toneto, a na mleka e zumba ni mnoha txitimwi kwakwe, kambe Mkoma wakwe a na m'wisela tingana takwe.

Zefaniya 2:11

Mkoma a na va karata ngutu, nguko a na hoxota sotshe sizimu sa mafu; se votshe va nata mkhozela, mmwani ni mmwani a txi khukhela ka wukhalo wakwe, ka sotshe sitondolo sa matiko.

Jeremiya 31:10

Engisani Dipswi da Mkoma anu matiko, zivisani sitondolo sa kule, mi txi khanu: Awu a nga hangalasa Israyeli a na mu sengeleta, a txi mu xayisa nga m'dyisi ka tinvuta takwe.

Jeremiya 2:10

Hi nga wulelani miya txitondoloni ka Kilimu, mi ya wona; rumelani Kedhari, mi xolisisa kha kwati; mi wona ngako txilo txo ngeto txi khala kumaheka.

Matewu 7:2

Nguko mi na lamulwa nga ti mi lamulisako tona vamwani; ni mpimo wu mi pimako ngu wona vamwani, mi na pimwa ngu wona nanu.

Ezekhiyele 27:6

Madhavi ako ngo mahwa ngu mikusu ya Bhasani; Vasiriya va ku tshurisete ngu makwasa a tinzofu ta sitondoloni ka Ketiyini.

Isaya 66:19

Se ni na veka txikombiso hagari kwawe, ni vale va no huluka ni na va rumela ka matiko, i ku Tarxixi, ni Puli, ni Ludhe, i ku vafuli, ni Tubhali, ni Javhani, kala ka sitondolo sa kule ngutu, si nga mbi pfa nduma yangu, kambe kha sa wona wudhumo wangu; se si na pfalisa wudhumo wangu hagari ka matiko.

Valamuli 1:7

Sekoko, Adhoni-Bhezeki a to khene: Mtxhanu wa magumi ni mambidi a vafumeli, va nga ti wiletwe titiho ta vanyagotwe, ta manzani ni ta mikondoni, va ti ti rolela maruru hahatshi ka meza yangu; ngu kumaha keto, Txizimu txi ni tshumetete madingano ni ti ni nga va mahela. Se va to tsula nayo Jerusalema, eyo a nga ya fela kona.

Esteri 10:1

Msana ka tiya, mfumeli Asuwero a to resisa ditiko ni sitondolo sa lineneni.