Dhaniyeli 11:17 - Bhiblia Yo Sawuleka

¹⁷ Se a na ti emisela ku yalwa ngu mtamo wa mfumo wakwe wotshe, kambe ene ni vo lulama, a na maha ti a no ti lava; a na mninga mwanana wakwe wa m'horana kuva msikati wakwe, kasiku mulovisa; aniko ene kha na mbi timisela, kambe kha na mbi mlumba.

Dhaniyeli 11:17 Referans Kwoze

Ezekhiyele 4:7

U na rendekelisa khohe yako koko ka diguma da Jerusalema, na u di nawulutile diwoko dako, se u na profeta u txi di kawuka.

Ezekhiyele 4:3

Aniko, awe lava dipani da simbi, u txi di maha diguma hahanze, hagari kwako ni didhoropa, se u txi di rendekela; di na randeliswa eto, u na di randela; eto ti na maha txikombiso ka nyumba ya ka a Israyeli.

2 Vafumeli 12:17

Sekoko Hazayeli mfumeli wa Siriya, a to kwela e ya lwa, e honyola ditiko da Gate; ngu msana a to khata kulwisa Jerusalema.

Varoma 8:31

Hi na khathu txani ngu tona tiya kani? Ngako Txizimu txi di kumweko ni nathu, i mani a no hi wukela kani?

Luka 11:23

Awuwa asi emiko ni nani, a lwa ni nani; awu asi sengeletiko ni nani wa hangalasa.”

Luka 9:51

Ngako ma txi hoka masiku a kuguletwa kwakwe, Jesu a to tsana a txi teka nzila ya kuya Jerusalema.

Matewu 12:30

Awu asi emiko ni nani, walwa ni nani; ani wu asi sengeletiko ni nani, wa hangalasa.”

Dhaniyeli 11:19

Sekoko a na hundulukela makhokholani ya ditiko dakwe apune, kambe a na gutwa, e wa, asi manwi kambe.

Dhaniyeli 9:26

Se msana ka mtxhanu wa magumi ni dimwedo a mavhiki ni mavhiki mambidi, Mesiya a na thaviswa, kha na mbi vaho kambe; se vathu va mthangeli wule a nota, va na haxula didhoropa ni wukhalo wo sawuleka, kambe magwito a sona ma na fana ni dambi, ku nava ni yimbi kala magwito; si emisetwe kuhoxotwa.

Ezekhiyele 25:2

Awe mwanana wa m'thu, thuvikela vanana va ka Amoni, u txi profeta u va wukela.

Ezekhiyele 17:17

Se Faro, hambi ni dibutho dakwe da hombe, ni votshe vale votala va m'vhunako, kha na mbi nga maha ta txilo ta yimbi, a txi kela mibhala ni kuaka maguma kasi kuheta vathu.

Mavingu 19:21

Mbiluni ka m'thu ku ni timhaka tatingi, aniko txileleto txa Mkoma txi na zumba yotshe mbimo.

Masalmo 56:9

Ka ditshiku di ni no kukombela txivhuno, se valala vangu va txi tshumelela msana, ni na va ni tiziva ti to Txizimu txi ni nani.

2 Makronika 20:3

Sekoko Josafati a to thava e lava Mkoma; a to gela votshe va ka Judha kuve ti tona kudya.

Habhakuki 1:9

Vona votshe va tete ku ta xanisa vathu; tikhohe tawe ti na rendekela wutxani, va na sengeleta tikhumbi ku nga mafu.