Dhaniyeli 11:16 - Bhiblia Yo Sawuleka

¹⁶ Sekoko awule a nota ku ta mu wukela a na maha madingano ni kuranda kwakwe, kha ku na wu a no ema masoni kwakwe; se a na maneka ka ditiko do dhundeka, a na lovisa ngu dianza dakwe.

Dhaniyeli 11:16 Referans Kwoze

Dhaniyeli 8:9

Se ka limwelo la tona ku to mila txitxhehwana, txi kula ngutu, txi rendekela wulambwe, ni wutxani, ni ditikoni ko tshura.

Dhaniyeli 11:41

Se a na wulela kambe ka ditiko do tshura, aniko matiko amangi ma na xaselwa, kambe Edhomi, ni Mowabhi, ni vahombe va vanana va ka Amoni va na huluka manzani kwakwe.

Dhaniyeli 11:36

Se mfumeli wuwa a na maha madingano ni kuranda kwakwe, a na tiguleta, e tikulisa txitimwi ka sotshe sizimu; a na womba-womba wubihi ngu Txizimu txa sizimu, kambe a na humelela an'ze magwito ka kuhenya; nguko ti ti nga vekiswa ti na maheka.

Dhaniyeli 11:3

Ngu msana, ku na humelela mfumeli wa ndena, wu a no fumela ngu mtamo wa hombe, na a txi maha kuranda kwakwe.

Dhaniyeli 8:7

Se ni to wona mabhongwe a txi hoka hafuhi ka hamba, a di henyile ngutu; se a to dhina hamba e funya titxheho ta yona ta timbidi, kambe hamba yi si ngani mtamo wo emisana nayo; se mabhongwe a to wisa hamba hahatshi, e yi kandetela ngu sitsendo; kha kwa maneka ni wammweyo wo hulukisa hamba ka mabhongwe.

Dhaniyeli 8:4

Ni to wona ti to hamba yi dhinela kukomba mswa-ditambo, ni wuphemba, ni wulambwe; kambe ku si na txihari ni txa tximwetxo txo tshuketa hafuhi ka yona, hambi m'thu wo dingana kuhuluka ka hamba; yona yi ti maha madingano ni kuranda ka yona, kambe yi ti ti kulisa.

Dhaniyeli 11:45

A na gwimba matenda akwe a wukoma hagari ka Linene la hombe, ka mmango wo sawuleka wo tshura ngutu, kambe a naya gwitelwa, kupwateka ni wo m'vhuna.

Jeremiya 3:19

Se ani ni txi khani: Ni na kuvekisa kutxani hagari ka vanana, ni na kuninga ditiko da kunaveleka, i kuthomba ya mabutho a matiko kani? Ni txi khani: Mi na ni dhana mi txi khanu: Tata. Kha mi na mbiswa mi phawuka mi txi ni siya.

Isaya 8:8

a na wulela ditikoni ka Judha kufana ni ndambi, e kukumuka kala mikoloni ka vathu. Kunawuluka ka tibhapi tako, ku na fenengeta kuanama ka ditiko dako, awe Emanuweli.

Joxuwa 1:5

Ni wammweyo kha na mbi tsana masoni kwako, otshe masiku a kuhanya kwako; kufana ni kule ni nga va ni Mosi, ngu toneto, ni na va ni nawe; kha ni na mbi kuleka, hambi ku kusiya.

Dhaniyeli 5:19

Se ngu mhaka ya wuhombe wule txi nga mninga, votshe vathu, matiko ni tidimi va ti dhudhumela ni kuthava masoni kwakwe. A ti ni mtamo wo daya vathu ni waku va leka ve hanya, a tikulisa ni kuveka hahatshi ni wuhi a nga ti mlava.